- 01/12/2022 ÜMUMİ MƏLUMAT
STATİSTİKA
| Mənbə: Dövlət Statistika Komitəsi | 2022 |
| Əhalinin ümumi sayı | 10 067 100 nəfər |
| Əlilliyi olan şəxslərin ümumi sayı | 559173 (ümumi əhalinin 5,6%) |
| Əlilliyi olan uşaqlar | 55 782 (ümumi əoş-ların 9,9%) |
| Sosial müavinat alan əlilliyi olan şəxslər | 150 252 nəfər |
| Orta aylıq sosial müavinat | 125.55 manat |
| Əlilliyi olan pensiyaçılar | 347 298 nəfər |
| Onlardan: | |
| Qadınlar | 149 779 nəfər |
| Kişilər | 197 519 nəfər |
| Işləyənlər | 44 421 nəfər |
| Işləməyənlər | 302 877 nəfər |
| Xüsusi qayğıya ehtiyacı olanlar | 97 000 nəfər |
| Onlardan: | |
| - yetginlik yaşına çatmayanlar | 47 000 nəfər |
| - yetginlik yaşına çatanlar | 50 000 nəfər |
| Orta aylıq pensiya | 290.9 manat |
| Minimum pensiya | 280 manat (2023) |
| Minimum əmək haqqı | 345 manat (2023) |
| İnkluziv təhsilə cəlb olunmuş əlilliyi olan uşaqlar | 120 nəfər (ümumi əoş-ların 0.2% |
| Ali məktəblərdə təhsil alan əlilliyi olan şəxslər | Statistika aparılmır |
| 2023-cü il üçün yaşayış minimumu ölkə üzrə 246 manat, əmək qabiliyyətli əhali üçün 261 manat, pensiyaçılar üçün 199 manat, uşaqlar üçün 220 manat (2023) |
| Ünvanlı dövlət sosial yardımının təyin edilməsi məqsədilə 2023-ci il üçün ehtiyac meyarının həddi 246 manat |
Əlilliyi olan şəxslər barədə ümumi məlumat
Müxtəlif maneələrlə qarşılaşdığı zaman digər şəxslərlə bərabər səviyyədə cəmiyyət həyatında tam və səmərəli iştirakına mane olan sabit fiziki, psixi, əqli və ya hissiyyat pozuntuları olan şəxs əlilliyi olan şəxs hesab edilir.
Azərbaycan Respublikasında əhaliyə göstərilən tibbi-sosial ekspertiza xidməti, əlilliyi və 18 yaşınadək əlilliyi müəyyən edilmiş şəxslərin əlilliyinin qiymətləndirilməsi, əlilliyi olan şəxslərin sosial müdafiə tədbirlərinə ehtiyacların müəyyən edilməsi tibbi-sosial ekspert komissiyaları (TSEK) tərəfindən həyata keçirilir.
TSEK Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Tibbi-Sosial Ekspertiza və Reabilitasiya Xidmətinin (bundan sonra - Xidmət), Naxçıvan Muxtar Respublikasında isə Naxçıvan Muxtar Respublikasının Əmək və Əhalinin Sosial Müdafiəsi Nazirliyinin tabeliyində fəaliyyət göstərir.
Şəxsin əlilliyi aşağıdakı səbəblərdən birinə əsasən müəyyən edilir:
1. ümumi səbəblərdən:
· ümumi xəstəlik,
· istehsalat zədəsi;
· peşə xəstəliyi,
· Çernobıl AES-də qəzanın ləğvi ilə əlaqədar,
· hərbi xidmət dövrü ilə əlaqədar,
· hərbi əməliyyatlar keçirilən zonada olmaqla əlaqədar,
· terror hadisəsi ilə əlaqədar
2. xüsusi səbəblərdən:
· Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar;
· 1990-cı ilin 20 Yanvar hadisələri ilə əlaqədar,
· hərbi xidmət vəzifələrini (xidməti vəzifələri) yerinə yetirməklə əlaqədar,
· Çernobıl AES-də hərbi xidmət vəzifələrini (xidməti vəzifələri) yerinə yetirməklə əlaqədar.
1.jpg)
