ƏSAS XƏBƏRLƏR
XƏBƏRLƏR
- 18/8/2014 "MƏNİM HƏDƏFİM" adlı kitabım çapdan çıxdı.
Salam dostlar. Hər biri bir kitab dəyərində olan 9 məqalənin və BMT-nin "Əlilliyi olan şəxslərin hüquqları haqqında" Konvesiyasının yer aldığı "MƏNİM HƏDƏFİM" adlı kitabım çapdan çıxdı. Bu kitab da əlilliyi olan insanlardan bəhs edir və "hədəfdəki insan" kitabına əlavə olaraq nəzərdə tutulub. Əlilliyi olan insanların qarşılaşdıqları çətinlikləri araşdırsaq görərik ki, bu çoxşaxəli bir problemlər şəbəkəsidir.
- 4/8/2014 Əlil Təşkilatları İttifaqının işğalçı Ermənistanın son günlər Azərbaycan Ordusuna basqın etməsi ilə bağlı BƏYANATI
Əlil Təşkilatları İttifaqı Ermənistanın ona havadarlıq edən qüvvələrin dəstəyi ilə təcavüzkarlıq siyasətinin gücləndirməsindən ciddi narahatlığını bildirir, beynəlxalq təşkilatları 2014-cü il iyul ayının sonu və avqust ayının əvvəlində çox sayda insan itgisi ilə nəticələnmiş erməni diversiya qrupunun törətdiyi cinayətkar əmələ qiymət verməyə çağırır.
- 30/07/2014 “İstedalı Əlillər” ictimai birliyi Abşeron filialının təşkilatıçılığı ilə əlilliyi olan şəxslərin əl işlərindən Ibarət sərgi təşkil olunub.
Sərgi Azərbaycan Respublikası Prezidenti yanında QHT –na dəstək şurasının maliyyə dəstəyi ilə həyata keçirilib. Sərginin keçirilmə məqsədi cəmiyyətə, əlilliyi olan insanların əl işlərini nümayiş etdirmək, İstedadlı insanların aşkar edilib, onların fəal həyata cəlb etmək və cəmiyyətə inteqrasiyasına təkan verməkdir. Bu barədə “İstedadlı Əlillər” ictimai birliyi – Mətbuat xidməti rəhbəri Fuad Rəsul məlumat verib.
- 12/7/2014 Masallı şəhərində dəyirmi masa keçirilmişdir.
Tədbirdə iştirak edən əlilliyi olan şəxslər, əlilliyi olan uşaqların valideyinləri Masallı rayonunda sosial poblemlərin həlli məqsədi ilə müzakirələrə qoşularaq, birgə əməkdaşlıq əlaqələrinin yaradılması istiqamətində müxtəlif təkliflərlə çıxışlar etmişdirlər. Tədbir iştirakçıları əlilliyi olan insanlar üçün bərabər imkanların yaradılması mövzusu ətrafında müzakirələrə qoşularaq maraqlı təkliflər irəli sürmüşlər.
- 11/7/2014 Əlil Təşkilatları İttifaqı (ƏTİ) Biləsuvar şəhərində regional konfrans keçirilmişdir.
Azərbaycan Respublikası Əlil Təşkilatları İttifaqı (ƏTİ) "Dünyaya Baxış" beynəlxalq hümanitar təşkilatı ilə "Əlilliyi olan insanların həyatında müsbət dəyişiklik" layihəsini yerinə yetirməyə başlamışdır. Layihənin ümumi məramı əlilliyi olan insanlar üçün sosial və hüquqi şəraitin yaxşılaşdırılmasıdır.
- 8/7/2014 “İstedadlı Əlillər” ictimai birliyi dəyirmi masa keçirtdi.
Bu gün “İstedadlı Əlillər” ictimai birliyi “Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Fiziki məhdudiyyətli şəxslərin cəmiyyətə inteqrasiyasına dəstək” layihəsi çərçivəsində əlilliyi olan şəxslərin təhsil və hüquqi problemlərinin həllinə dair dəyirmi masa keçirtdi.
- 30/6/2014 Sumqayıt şəhərində əlilliyi olan insanların əl işlərindən ibarət sərgilər təşkil olunmuşdur.
Azərbaycan Respublikası Əlil Təşkilatları İttifaqı (ƏTİ) "Dünyaya Baxış" beynəlxalq hümanitar təşkilatı ilə "Əlilliyi olan insanların həyatında müsbət dəyişiklik" layihəsini yerinə yetirməyə başlamışdır. Layihənin ümumi məramı əlilliyi olan insanlar üçün sosial və hüquqi şəraitin yaxşılaşdırılmasıdır. Bu layihə Əmək və Əhalinin Sosial Müdafiəsi Nazirliyi yanında işçi qrupu ilə işin aparılması, ictimai tədbirlərin həyata keçirilməsi, BMT-nin "Əlilliyi olan insanların hüquqları haqqında" Konvensiyadan irəli gələn hüquqi islahatların həyata keçirilməsinə tövhənin verilməsi nəzərdə tutulur.
- 21/6/2014 Azərbaycan Respublikası Prezidentinin Sərəncamı
Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlil olmuş şəxslərin və şəhid ailələrinin sosial-məişət şəraitini yaxşılaşdırmaq məqsədi ilə, Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:
- 16/6/2014 Bərdə rayonunda 36 mənzilli yaşayış evi müharibə əlilləri və şəhid ailələrinin istifadəsinə verilib
İyunun 13-də Azərbaycan Respublikası Əmək və Əhalinin Sosial Müdafiəsi Nazirliyinin sifarişi ilə Bərdə rayonunda inşa olunmuş 4 mərtəbəli 36 mənzilli yaşayış evi Azərbaycanın ərazi bütövlüyü və Konstitusiya quruluşunun müdafiəsi uğrunda döyüşlərdə əlil olmuş vətəndaşların və şəhid ailələrinin istifadəsinə verilib.
- 16/6/2014 26 nəfər əlilliyi olan şəxs Yunanistana göndərildi.
İyunun 16-da Azərbaycan Respublikasının Əmək və Əhalinin Sosial Müdafiəsi Nazirliyi (ƏƏSMN) tərəfindən 26 nəfər əlilliyi olan şəxs Heydər Əliyev adına Beynəlxalq Hava Limanından Yunanıstanın Soloniki şəhərindəki "Anagennisi” Tibbi-reabilitasiya sanator mərkəzinə bərpa müalicəsinə yola salınıb.
- 11/6/2014 Azay Quliyev MQF-ni təbrik etdi
Hörmətli həmkarlar !
Azərbaycan Milli Qeyri-Hökümət Təşkilatları Forumunun 15 illik yubileyi münasibəti ilə qurumun rəhbərliyini və bütün üzvlərini səmimi qəlbdən təbrik edirəm. 11 iyun 1999-cu ildə Azərbaycan höküməti ilə BMT İnkişaf Proqramının müştərək fəaliyyəti nəticəsində təşkilatı zərurət kimi yaranmış Milli QHT Forumu (MQF) tezliklə ölkəmizdə ictimai sektorun bayraqdarına çevrilərək yüzlərlə QHT-nin fəaliyyətini əlaqələndirməyə başladı.
- 12/6/2014 Əlilliyi olan şəxslərin əlil arabaları ilə təmin edilməsinə həsr edilmiş tədbir.
Əlil Təşkilatları İttifaqının (ƏTİ) Sumqayıt şəhər regional şöbəsini sədri Samir İmanovun təşəbbüsü və Bakı Türk Ortaokulunun dəstəyi ilə 6 iyun 2014 tarixində Sumqayıtda əlilliyi olan şəxslərə əlil arabaları paylanılmışdır. Tədbiri giriş sözü ilə açan Samir İmanov, göstərilən dəstəyə görə Bakı Türk Ortaokulunun valisi Niyazi bəyə təşəkkürünü bildirmişdir.
- 26/5/2014 “Əlillərin Cəmiyyətə İnteqrasiyası” İctimai Birliyi (ƏCİİB) Şuranın dəstəyilə regionlarda hüquqi maarifləndirmə tədbirləri keçirilir
“Əlillərin Cəmiyyətə İnteqrasiyası” İctimai Birliyi (ƏCİİB) Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə yardımı ilə “Regionlarda əhalinin müxtəlif sosial qruplarının, o cümlədən əlilliyi olan şəxslərin hüquqi maarifləndirilməsi ilə bağlı tədbirlərin təşkili” adlı layihəni həyata keçirir.
- 22/5/2014 BMT-nin tövsiyələri müzakirə olunub
Azərbaycan Respublikasının İnsan Hüquqları üzrə Müvəkkili (Ombudsman) və Azərbaycan Respublikası Əmək və Əhalinin Sosial Müdafiəsi Nazirliyi tərəfindən “Əlilliyi olan şəxslərin hüquqları haqqında” Konvensiyaya dair Azərbaycan hökumətinin ilk hesabatı ilə bağlı BMT-nin Əlilliyi olan şəxslərin hüquqları üzrə Komitəsinin tövsiyələrinin birgə müzakirəsinə həsr olunmuş dəyirmi masa keçirilib.
- 19/5/2014 Əlil Qadınlar cəmiyyətinin Gəncə şəhərində “Məişət zorakılığından zərər çəkmiş şəxslərə psixoloji xidmət mərkəzlərinin təşkili, ilkin kampaniyalar” layihəsi
Azərbaycan Respublikası Prezidenti yanında Qeyri-hökumət Təşkilatlarına Dövlət dəstəyi Şurasının maliyyə dəstəyi ilə Azərbaycan Respublika Əlil Qadınlar cəmiyyətinin “Məişət zorakılığından zərər çəkmiş şəxslərə psixoloji xidmət mərkəzlərinin təşkili, ilkin kampaniyalar” layihəsinə start verib. Layihədə əsas məqsəd məişət zorakılığının əsaslı, insan hüquqları kimi təbliği üçün yerli, milli, regional və beynəlxalq səviyyədə maarifləndirimənin aparılmasıdır.
1.jpg)
