Xəzər Universitəsində “Əlilliyi olan insanların Azərbaycanın ali təhsil müəssisələrinə inteqrasiyasının təməlinin qoyulması” Tempus layihəsi çərçivəsində yerli partnyorlarla görüş keçirilmişdir.


Xəzər Universitəsində “Əlilliyi olan insanların Azərbaycanın ali təhsil müəssisələrinə inteqrasiyasının təməlinin qoyulması” Tempus layihəsi çərçivəsində yerli partnyorlarla görüş keçirilmişdir. Görüşün məqsədi yerli partnyorlarla tanışlıq, layihə haqqında məlumatın verilməsi və bu sahədə olan problemlərlə bağlı ilkin müzakirələrin aparılmasından ibarət idi. Layihənin əsas məqsədi əlilliyi olan insanların Azərbaycan ali təhsil müəssisələrinə inteqrasiyasını dəstəkləyən mexanizmin qurulması və bu sahədə Avropa təcrübəsini univeritetlərdə tətbiq etməkdir.Azərbaycan Dövlət İqtisad Universiteti, Sumqayıt Dövlət Universiteti, Lənkəran Dövlət Universiteti, Naxçıvan Dövlət Universiteti, Gəncə Dövlət Universiteti, Əmək və əhalinin sosial müdafiəsi nazirliyi və Əlil Təşkilatları İttifaqının nümayəndələrinin iştirakı ilə keçirilən görüşdə Xəzər Universitetinin təsisçisi, Direktorlar və Qəyyumlar Şurasının sədri professor Hamlet İsaxanlı qonaqları bu layihə barədə məlumatlandırdı,sonra layihənin koordinatoru Leyla Niyazova layihənin təqdimatını keçirdi. Daha sonra yerli partnyorlar layihənin gələcək fəaliyyəti ilə bağlı təkliflər verdilər və fikir mübadiləsi apardılar.

  




Tarix:23/12/2013     udpo.az saytı Geri