Azərbaycan Respublikası Əlil Təşkilatları İttifaqının (ƏTİ) BƏYANATI


Azərbaycan Respublikası Əlil Təşkilatları İttifaqının (ƏTİ)

BƏYANATI

      Azərbaycan Respublikası ikinci dəfə müstəqilliyini əldə etdikdən sonra ilk vaxtlar  çətinliklərlə müşayət olunsa da, xalqın iradəsi ilə öz müqəddaratını həll etməyə nail oldu. Aparılan uğurlu siyasət nəticəsində Azərbaycan regionda və dünya səviyyəsində lider və qabaqcıl ölkə səviyyəsinə qalxdı.

     Azərbaycanın uğurlarını və inkişafını həzm edə bilməyin xarici qüvvələr öz vətəndaşlarımızın vasitəsi ilə müəyyən zaman intervallarında çirkin niyyətlərini biruzə verirlər. Azərbaycan xalqı artıq çox da uzun olmayan müstəqillik tariximiz müddətində bir neçə dəfə belə mənfur hadisələrin şahidi olmuşdur.

     Son zamanlar Gəncədə baş vermiş hadisələr siyasi oyunbazların növbəti dəfə arzuladıqları nakam niyyətlərindəndir. Bu insanlar üçün vətən, ana, torpaq, namus məsələləri arxa planda qalan məslələrdir. Ölkə Prezidentinin yerli nümayəndəsinə, Dövlət rəsmisinə edilən sui-qəsd, terror bütün dövlətə yönəlikdir. Bu bəs deyilmiş kimi mütəşşəkkil qrup əvvəlcədən hazırladıqları plan əsasında üstəlik insanları mitinqlərə çağırıb ixtişaşlar salmağa, ictimai, siyasi qarşıdurma yaratmağa çalışırlar.  Qəflət yuxusunda yatmış və hərdən diksinərək sayıqlayan qüvvələr keçmiş olaylardan ibrət dərsi götürmək kimi vacib bir məqamı yaddan çıxardıblar.

     Formasından asılı olmayaraq hər bir problemin, o cümlədən vətəndaş məmur arasında olan problemlərin, həllinə müvafiq qanunlar çərçivəsində baxmaq lazımdır. Lakin olmuş hadisələr onu deməyə əsas verir ki, terror bunların fikirləşdikləri planın məqsədi yox, öz mənfur məqsədlərinə çatmaq üçün hazırladıqları planın bir hissəsidir. Azərbaycanda olan ictimai-siyasi sabitlik, inkişaf, möhkəm dövlətçilik sistemi, xalq və hakimiyyət arasında olan həmrəylik növbəti dəfə bədniyyət və xəyalpərəstlərin arzusunu puç edəcəkdir.

    Vətəndaş cəmiyyətinin ayrılmaz tərkib hissəsi kimi əlilliyi olan şəxslərin təşkilatları olaraq qanunların alilliyini, vətəndaş məmur münasibətlərinin sivil qaydalarda həlli yollarını dəstəkləyir, qarşıdurma, terrror vasitələrindən istifadə edərək dövlətə və dövlətçiliyə xələl gətirən bütün halları, o cümlədən Gəncədə baş  vermiş hadisəni pisləyirik. Müdrik xalq müdrik qərar verəcək.    

 
 




Tarix:10/7/2018     udpo.az saytı Geri