21 İyul 2019-ci il

Əsas Səhifə Webmail


XƏBƏRLƏR

11px13px15px17px
8. İnteqrasiya təlimli təhsil müəssisələrində təhsilin təşkili Qaydalarının təsdiq edilməsi haqqında Azərbaycan Respublikası Nazirlər Kabinetinin Qərarı, 2002-ci il


İnteqrasiya təlimli təhsil müəssisələrində təhsilin təşkili Qaydalarının təsdiq edilməsi haqqında

AZƏRBAYCAN RESPUBLİKASI NAZİRLƏR KABİNETİNİN QƏRARI
 

"Sağlamlıq imkanları məhdud şəxslərin təhsili (xüsusi təhsil) haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 2001-ci il 19 iyul tarixli, 540 nömrəli Fərmanının icrasını təmin etmək məqsədi ilə) Azərbaycan Respublikasının Nazirlər Kabineti qərara alır:

1."İnteqrasiya təlimli təhsil müəssisələrində təhsilin təşkili Qaydaları" təsdiq edilsin (əlavə olunur).

2. Bu qərar imzalandığı gündən qüvvəyə minir.


Azərbaycan Respublikasının Baş naziri A. RASİZADƏ
 

Bakı şəhəri, 29 may 2002-ci il
№ 87

 

Azərbaycan Respublikası Nazirlər Kabinetinin

2002-ci il 29 may tarixli, 87 nömrəli qərarı ilə
TƏSDİQ EDİLMİŞDİR

 

İnteqrasiya təlimli təhsil müəssisələrində təhsilin təşkili
QAYDALARI

 

1. İnteqrasiya təlimli təhsil müəssisələrində təhsilin təşkili Qaydaları "Sağlamlıq imkanları məhdud şəxslərin təhsili (xüsusi təhsil) haqqında" Azərbaycan Respublikası Qanununun müddəalarına uyğun olaraq inteqrasiya təlimli təhsil müəssisələrində şagirdlərin icbari və peşə (ixtisas) təhsili ilə əlaqədar məsələləri tənzimləyir.

2. Təhsil müəssisəsində psixoloji - pedaqoji və tibbi göstəricilərə (əks göstəricilərə) uyğun təhsil almaq üçün lazımi xüsusi şərait varsa, həmin müəssisədə sağlamlıq imkanları məhdud şəxslər üçün inteqrasiyalı təhsil təşkil edilir.

3. Azərbaycan Respublikasında inteqrasiyalı təlimin inkişafı dövlət tərəfindən təmin edilir.

4. İnteqrasiya təlimli təhsil müəssisəsi sağlamlıq imkanları məhdud şəxslərlə sağlam şəxslərin birgə təhsil alması üçün xüsusi şərait yaradılmış ümumtəhsil müəssisəsidir.

5. Təhsil müəssisəsinin rəhbərliyi sağlamlıq imkanları məhdud şəxslərə tədris prosesində zəruri köməkçi xidməti təşkil edir.

6. İnteqrasiya təlimli təhsil müəssisələrində sağlamlıq imkanları məhdud şəxslərin sayı ümumi kontingentin 20 faizindən çox ola bilməz.

7. Kar, kor, görmə qabiliyyəti 40 faizdən az olan uşaqların təhsili sağlam uşaqlarla birlikdə təşkil edilə bilməz.

8. İnteqrasiya təlimli təhsil müəssisəsi sağlamlıq imkanları məhdud şəxslərdə fiziki və ya psixi çatışmazlıqlarına görə təlim və ya peşə təhsili yaxud konkret bir peşə (ixtisas) üzrə məhdudiyyət barədə əks göstərici yoxdursa, onların qəbuluna etiraz edə bilməz.

9. İnteqrasiya təlimli təhsil müəssisələrində tədris proqramlarını uğurla mənimsəyən şəxslər psixoloji-tibbi-pedaqoji komissiyaların qərarı ilə adekvat təhsil müəssisələrinə köçürülə bilərlər.

10. Xüsusi təhsil siniflərində şagirdlərin orta sıxlığı 8 - 10 nəfər miqdarında müəyyən edilir. 8 nəfərdən az şagirdi olan xüsusi təhsil sinifləri komplektləşdirilir. Komplektləşdirilmiş siniflərdə şagirdlərin maksimum sayı 14 nəfər götürülür.

11. Loqopedik xidmət loqoped müəllim tərəfindən həyata keçirilir.

12. Sağlamlıq imkanları məhdud şəxslərin birtipli xüsusi təhsil müəssisələrindən başqa tipli xüsusi təhsil müəssisələrinə, inteqrasiya təlimli təhsil müəssisələrinə köçürülməsi psixoloji-tibbi-pedaqoji komissiyanın qərarı ilə və yetkinlik yaşına çatmayanların valideynlərinin və ya qanuni nümayəndələrinin razılığına əsasən həyata keçirilir.

13. Sağlamlıq imkanları məhdud şəxslərin inteqrasiya təlimli təhsil müəssisələrinə qəbulu qanunvericiliklə müəyyən edilmiş qaydada psixoloji-tibbi-pedaqoji komissiyanın qərarına əsasən həyata keçirilir.

14. İnteqrasiya təlimli təhsil müəssisələrinin maddi-texniki bazasına binalar, qurğular, yeməkxanalar, yardımçı binalar, tibbi, korreksiya və reabilitasiya kabinetləri, idman qurğuları, təlimin texniki vasitələri, kitabxana fondu daxildir. Maddi-texniki baza müvafiq olaraq dövlət, bələdiyyələr və digər təsisçi (təsisçilər) tərəfindən formalaşdırılır.

15. Xüsusi təhsil siniflərində dərslik, dərs vəsaitləri və elmi-metodik vəsaitlərin hazırlanması Təhsil Nazirliyi tərəfindən həyata keçirilir.

16. Xüsusi təhsil almaq hüququ olan sağlamlıq imkanları məhdud şəxslər dərslik, dərs vəsaitləri, fərdi texniki vasitələrlə rayon (şəhər) təhsil şöbələri (idarələri), bələdiyyələr və digər təsisçi (təsisçilər) tərəfindən təmin olunurlar.

17. Xüsusi təhsil siniflərində pedaqoji və tibbi fəaliyyətə qanunvericiliklə müəyyən edilmiş tələblərə cavab verən şəxslər buraxılır.

18. Xüsusi təhsil üçün kadrların hazırlanması orta və ali peşə-ixtisas təhsili müəssisələrində, pedaqoji işçilərin ixtisasartırma və yenidən hazırlanması müəyyən edilmiş qaydalarla həyata keçirilir.

 

 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 2047 dəfə oxunub

Oxşar xəbərlər:





Flag Counter






» 20/7/2019- Əlilliyi olan gənclərin İKT bacarıqlarının artırılması

» 19/7/2019- Birləşmiş Millətlər Təşkilatının (BMT) Nyu Yorkdakı Baş Qərargahında Dayanıqlı İnkişafa dair Yüksək Səviyyəli Siyasi Forumu keçirilmişdir.

» 18/7/2019- “Əlilliyi olan şəxslərin sosial müdafiə və özünüdəstək mexanizmlərindən yararlanma imkanlarının artırılması”

» 11/7/2019- “Azərbaycan Xalq Cümhuriyyətinin 100 illiyi” medalı təqdim olundu

» 10/7/2019- Quba rayonunda rayonunda əlilliyi olan şəxslərə hüquq və xidmətlərə çatım üzrə seminar – təlimlər

» 2/7/2019- “Qarabağ müharibəsi əlilləri və veteranlarının asudə vaxtlarının təşkili məqsədilə eko-turların keçirilməsi”

» 31/7/2019- “Şəhid ailələri, Qarabağ müharibəsi iştirakçıları və aztəminatlı ailələrin özünüməşğulluq proqramlarına cəlb olunması”

» 30/7/2019- “Qadın sahibkarlığının inkişaf etdirilməsi yolu ilə iqtisadi inkluzivliyin və ailə institutunun maliyyə dayanıqlılığının artırılması istiqamətində tədbirlərin təşkili”

» 29/7/2019- “Əlilliyi olan şəxslərin sosial müdafiə və özünüdəstək mexanizmlərindən yararlanma imkanlarının artırılması”

» 28/6/2019- “Sosial bağlar” layihəsinin ikinci mərhələsinə start verildi

» 28/6/2019- Gəncə şəhərindəki Uşaq Günərzi Qayğı Mərkəzinə baxış olub

» 26/6/2019- AZƏRBAYCAN ƏLİL TƏŞKİLATLARI İTTİFAQI (ƏTİ) BİRBAŞA BMT-NİN İQTİSADİ SOSİAL ŞURASI – ECOSOC-UN XÜSUSİ STATUSLU ÜZVÜ SEÇİLMİŞDİR.

» 24/6/2019- Azərbaycanda ilk dəfə olaraq minimum əmək haqqı yaşayış minimumunu üstələyir

» 22/6/2019- Lənkəran şəhərində növbəti ictimai məlumatlandırma seminarı keçirilib

» 20/6/2019- İsmayıllı rayonunda əlilliyi olan şəxslərə hüquqi yardım.

» 13/6/2019- “Əlilliyi olan şəxslərin sosial müdafiə və özünüdəstək mexanizmlərindən yararlanma imkanlarının artırılması” layihəsi davam edir

» 12/6/2019- Gənclər Fondu əlilliyi olan tələbələrin təhsil xərclərini ödəyəcək

» 11/6/2019- Prezident gözdən əlilliyi olan şəxslər üçün mənzil tikintisinə 300. 000 manat ayırdı

» 10/6/2019- “Əlilliyi olan şəxslərin sosial müdafiə və özünüdəstək mexanizmlərindən yararlanma imkanlarının artırılması” layihəsi

» 9/6/2019- Lənkəran şəhərində “Sosial infrastruktur obyektlərinin əlilliyi olan insanlar və digər hərəkət məhdudluğu olan əhali qrupları üçün müyyəsərliyinin təmin edilməsi” mövzusunda təlim keçirilmişdir