25 Fevral 2021-ci il

Əsas Səhifə Webmail


XƏBƏRLƏR

11px13px15px17px
13/10/2012 Əlilliyi olan şəxslərin əmək bazarına çıxışının asanlaşdırılması


12.10.2012
 
     Oktyabrın 10-11-də Gəncə şəhərində Vətəndaşlarin Əmək Hüquqlarinin Müdafiəsi Liqasi tərəfindən «Əlilliyi olan şəxslərin əmək bazarına çıxışının asanlaşdırılması» və Milli QHT Forumu tərəfindən «Əlilliyi olan şəxslərin huquqlarinin qorunmasi və cəmiyyətə inteqrasiyasi» layihələrinin təqdimatı olub. Əmək və Əhalinin Sosial Müdafiəsi Nazirliyinin maliyyə dəstəyi ilə icra olunan layihələrin təqdimatında vətəndaş cəmiyyətlərinin, müvafiq dövlət orqanları və bələdiyyələrin nümayəndələri iştirak ediblər. Tədbirdə ölkədə olan əlilliyi olan insanların əmək qabiliyyətli hissəsinin məşğulluğunun təmin olunması sahəsində mövcud vəziyyət, bu istiqamətdə görülən işlər müzakirə olunub.
     Əmək və Əhalinin Sosial Müdafiəsi Nazirliyinin Əlillərin sosial müdafiəsi siyasəti şöbəsinin sektor müdiri İskəndərzadə Mustafayev əlilliyi olan insanların məşğulluğunun təminatının dövlətin sosial siyasətinin prioritetlərindən biri olduğunu qeyd edərək, bildirib ki, Azərbaycan Respublikası Prezidentinin 2005-ci il 26 oktyabr tarixli 1068 nömrəli Sərəncamı ilə təsdiq edilmiş «Azərbaycan Respublikasınin Məşğulluq Strategiyası»nda (2006-2015-ci illər), Azərbaycan Respublikasının Məşğulluq Strategiyasının həyata keçirilməsi üzrə Dövlət Proqramı»nda (2007-2010-cu illər), eləcə də ölkənin sosial-iqtisadi tərəqqisini nəzərdə tutan digər dövlət proqramlarında əlillərin əmək bazarına çıxışının təmin olunması ilə bağlı konkret tədbirlər əksini tapmışdır.
     Belə ki, Məşğulluq Strategiyasının «Sosial cəhətdən həssas qrupların məşğulluğunun inkişafı» bölməsində bu məqsədlə bir sıra tədbirlərin həyata keçirilməsi üçün hədəflər müəyyən edilmişdir. Bunlara əlilləri işlə təmin etmək məqsədilə qanunvericilikdə nəzərdə tutulmuş qaydada kvota üzrə iş yerlərinin müəyyən edilməsi və bu kvotaların yerinə yetirilməsində işəgötürənlərin həvəsləndirilməsi, kvotaya əməl etməyən müəssisələrə qarşı sanksiyaların müəyyən edilməsi və s. daxildir.
     İskəndərzadə Mustafayev milli qanunvericilikdə əlilliyi olan insanların məşğulluq problemlərinin həllinə, hətta onların sahibkarlıq fəaliyyətinin stimullaşdırılmasına yönələn maddələrdən söz açaraq, bildirib ki, Azərbaycan Respublikasının Prezidentinin 27 dekabr 2011-ci il tarixli sərəncamı ilə təsdiq olunmuş «Azərbaycan Respublikasında insan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Planını»nda da bu məsələyə yer verilib. Sənədin 2.8-ci bəndində əlillərin və sağlamlıq imkanları məhdud uşaqların təlim və peşə hazırlığının, onlara göstərilən xidmətlərin (sosial xidmət, inklüziv təhsil və s.) keyfiyyətinin yaxşılaşdırılması məqsədi ilə xüsusi olaraq tibbi, pedaqoji kadrların və sosial işçilərin hazırlanması nəzərdə tutulur.
     Qeyd edək ki, əlilliyi olan insanların əmək bazarına çıxışının asanlaşdırılmasında vətəndaş cəmiyyətinin rolunun artırılması da hökumətin əsas proritetlərindəndir. Bu baxımdan Əmək və Əhalinin Sosial Müdafiəsi Nazirliyi vətəndaş cəmiyyəti qurumları ilə sıx əməkdaşlıq etməkdədir. Nazirlik yanında fəaliyyət göstərən İctimai Şura öz fəaliyyətində əlilliyi olan insanların əmək bazarına çıxışının asanlaşdırılması ilə bağlı həm qanun layihələrinin və digər normativ hüquqi aktların hazırlanmasında, həm də maarifləndirmə işlərində fəal iştiraka cəlb olunmuşdur.
 

 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 2209 dəfə oxunub




Flag Counter






» 19/2/2021- BNA yanında İctimai Şura yaradıldı

» 19/2/2021- Amputasiya hallarında hansı əlillik dərəcələri təyin olunur?

» 18/2/2021- Oriqam»i uşaq və yeniyetmələr ictimai birliyinin layihəsi

» 12/2/2021- DPİ

» 12/2/2021- “Fərqli fərdlərin sosial adaptasiyası” layihəsinin icrasını davam etdirir.

» 11/2/2021- Keçən il 212 min şəxsə elektron qaydada fərdi hesab açılıb

» 11/2/2021- COVID-19 xəstəliyi əleyhinə vaksinasiya üçün elektron xidmət istifadəyə verilib

» 11/2/2021- QARABAĞ AZƏRBAYCANDIR!

» 11/2/2021- “Əlilliyin müəyyən olunması meyarları” layihəsi Nazirlər Kabinetinə təqdim edilib.

» 9/2/2021- Əmək və Əhalinin Sosial Müdafiəsi Nazirliyi yanında İctimai şuranın 15 nəfərdən ibarət yeni tərkibi seçildi

» 5/2/2021- Əmək pensiyalarının indeksləşdirilməsi haqqında Azərbaycan Respublikası Prezidentinin Sərəncamı

» 5/2/2021- QARABAĞ AZƏRBAYCANDIR!

» 3/2/2021- Daha üç şəhidimizin ailə üzvləri məşğulluq proqramlarına cəlb olunub, onlar üçün kiçik bizneslər yaradılıb

» 2/2/2021- “Azərbaycan 2030: sosial-iqtisadi inkişafa dair Milli Prioritetlər”in təsdiq edilməsi haqqında Azərbaycan Respublikası Prezidentinin Sərəncamı

» 3/2/2021- Sevincimə sevinən.....

» 3/2/2021- Görmə əlilliyi olan şəxslərə əlillik qruplarının təyin olunması

» 29/1/2021- “Xüsusi təhsilə cəlb olunanların valideynlərinə və ya digər qanuni nümayəndələrinə uşaqlarını xüsusi təhsil müəssisəsinə, sağlamlıq və reabilitasiya mərkəzlərinə və tibb müəssisələrinə aparıb-gətirmək üçün müavinətin həcminin müəyyən edilməsi haqqında” Nazirlər Kabinetinin qərarına dəyişiklik edib.

» 29/1/2021- Növbəti təklif icra olunur: Əlilliyi olan şəxslərin reyestri hazırlanacaq

» 28/1/2021- Ödənişsiz hüquqi xidmətlər.

» 27/1/2021- “Hər addım gələcəyə ümiddir” şüarı altında Pasient Təşkilatlarının I Respublika Forumu onlayn platforma üzərində keçirildi.