20 Sentyabr 2020-ci il

Əsas Səhifə Webmail


XƏBƏRLƏR

11px13px15px17px
21/09/2018 Oktyabrın 28, 2019-cu il tarixində Finlandiyanın Xarici İşlər Nazirliyi, Finlandiyanın ABİLİS Fondu və Azərbaycan Əlil Təşkilatları İttifaqının (ƏTİ) dəstəyi ilə Bakı şəhərində Əlilliyi olan şəxslərin hüquqlarına həsr olunmuş “İnklüziv təhsil, peşə reabilitasiyası və müyəssərlik” mövzusunda seminar keçirilmişdir.


Press Reliz

Bakı şəhəri. 28 oktyabr 2019-cu il

          Oktyabrın 28, 2019-cu il tarixində Finlandiyanın Xarici İşlər Nazirliyi, Finlandiyanın ABİLİS Fondu və Azərbaycan Əlil Təşkilatları İttifaqının (ƏTİ) dəstəyi ilə Bakı şəhərində Əlilliyi olan şəxslərin hüquqlarına həsr olunmuş “İnklüziv təhsil, peşə reabilitasiyası və müyəssərlik” mövzusunda seminar keçirilmişdir. Seminarın işində müxtəlif hökumət, təhsil müəssisələri, QHT-lər, o cümlədən əlilliyi olan şəxslərin təşkilatları, Finlandiya Xarici İşlər Nazirliyinin, beynəlxalq təşkilatların nümayəndələri iştirak etmişlər.

   Tədbiri giriş sözü ilə Finlandiyanın Azərbaycan Respublikasında səfiri xanım Arja Makkonen açmış, tədbir, onun məqsədi və məramı barədə məlumat vermişdir.

    Əmək və Əhalinin Sosial Müdafiəsi Nazirinin müavini cənab Anar Kərimov Azərbaycanda sosial sahədə, o cümlədən əlillik sahəsində görülən və planlaşdırılan fəaliyyətlər barədə ətraflı məlumat vermişdir. Qeyd olunmuşdur ki, əlilliyi olan şəxslərin hüquqi təminatları, sosial xidmətlərin genişləndirilməsi, yeni xidmət sahələrinin yaradılması, pensiya və sosial müavinətlərin artırılması, məşğulluğun təmin olunması və digər sahələr üzrə mühüm işlər həyata keçirilir.

   Milli Məclisin Əmək və sosial siyasət komitəsinin sədri cənab Hadı Rəcəbli dövlətin sosial siyasətinin təməl prinsipləri, qanunvericilik təşəbbüsləri və qanun layihələrinin hazırlanmasında əlilliyi olan şəxslərin təşkilatlarının bu prosesə cəlb olunması barədə fikirlərini iştirakçılara çatdırdı.

   BMT-nin İnkişaf Proqramının Azərbaycandakı Rezident əlaqələdiricisinin müavini xanım İrina Qoryunova UNDP-nin Azərbaycanda fəaliyyəti barədə məlumat verdi. O çıxışında Azərbaycan hökuməti ilə, xüsusilə Əmək və Əhalinin Sosial Müdafiəsi Nazirliyi ilə həyata keçirilən layihələr, məqsəd və vəzifələrə çatmaq üçün nəzərdə tutulan fəaliyyətləri qeyd etdi.

Bundan sonra seminar bölmələr üzrə işini davam etdirdi.

   “Təhsil qurumlarında və iş yerlərində müyəssərlik” paneli üzrə Azərbaycan Əlil Təşkilatları İttifaqının prezidenti cənab Davud Rəhimli və Finlandiyanın Abilis Fondunun Vəkillik koordinatoru cənab Tuomas Tuure müvafiq olaraq bu sahədə Azərbaycan və Finlandiya təcrübəsi barədə faydalı məlumat verdilər.

   “Peşə reabilitasiya xidmətləri” bölməsində Əmək və Əhalinin Sosial Müdafiəsi Nazirliyinin Dövlət Məşğulluq Xidmətinin rəis müavini cənab Şahbaz Xələfov, Əmək və Əhalinin Sosial Müdafiəsi Nazirliyinin 1 saylı Sağlamlıq İmkanları Məhdud Gənclərin Peşə Reabilitasiya Mərkəzinin direktoru xanım Rəhilə Həsrətova və Ombudsman Aparatının Hüquqi Maarifləndirmə sektorunun müdiri cənab Müqalib Mahmudov əlilliyi olan şəxslərin məşğulluğunun təmin olunması istiqamətində görülən işlərdən, əldə olunmuş təcrübə barədə təqdimat etdilər.

 

   “İnklüziv təhsil” bölməsində ADA Universitetinin Biznes hüququ və biznes etikası üzrə baş müəllimi və Fərqlilik və Bərabər İmkanlar Departamentinin Direktoru cənab Elnur Eyvazov, UNICEF Azərbaycanın İnklüziv təhsil üzrə mütəxəssisi xanım Nigar Nəsrullayeva, Heydər Əliyev Fondunun

“Regional İnkişaf” İctimai Birliyinin layihə meneceri xanım Leyla Tağıyeva Azərbaycanda inklüziv təhsilin vəziyyəti, araşdırmalar və yerinə yetirilən layihələr barədə təcrübələrini bölüşdülər.

   “Karlara Dəstək” İctimai Birliyinin sədri cənab Kamran Abbasov işarət dili və onun Azərbaycan versiyasının hazırlanması barədə çıxış etdi.

   Finlandiyanın Azərbaycan Respublikasında səfiri xanım Arja Makkonen və Əlil Təşkilatları İttifaqının prezidenti cənab Davud Rəhimli seminarın sonunda yekun sözləri ilə çıxış etdilər.

 

 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 4907 dəfə oxunub




Flag Counter






» 19/9/2020- “Əlilliyin müəyyən olunması meyarları” layihəsi Nazirlər Kabinetinə təqdim edilib

» 18/9/2020- Əmək müqaviləsi ilə çalışan əlilliyi olan şəxslərin sayı

» 17/9/2020- Nazir Sahil Babayev özünüməşğulluq proqramı çərçivəsində yeni yaradılmış kiçik müəssisələrə baxış keçirdi

» 16/9/2020- UNEC tələbəsi Birləşmiş Krallığın dəstəyilə "British Council" tərəfindən keçirilən "Creative Spark" müsabiqəsində dünya çempionu olub.

» 16/9/2020- "Əlilliyi olan aztəminatlı ailələrə sosial dəstək"

» 15/9/2020- Şirvan şəhərində müasir Reabilitasiya Mərkəzi açıldı

» 14/9/2020- “Qəhrəmanlarımız qürur mənbəyimizdir”

» 10/9/2020- Yenə standartlara uyğun olmayan ramp, əlilliyi olan şəxslərə qarşı laqeydlik, yanlış məlumat.

» 10/9/2020- Ağstafada 16 şəhid ailəsi və Qarabağ müharibəsi əlili evlərlə təmin olundu

» 9/9/2020- Bir qrup şəhid ailəsi və Qarabağ müharibəsi əlilinə fərdi evlər verildi

» 8/9/2020- Qaradağ, Xətai, Binəqədi, Nərimanov, Saatlı, Sabirabad, Şuşa və Zəngilan rayonları üzrə xüsusi və güzəştli şərtlərlə pensiya təyin olunanların nəzərinə

» 5/9/2020- Sosial Xidmətlər Agentliyinin dəstəyi ilə bu dəfə həndbol üzrə inkluziv idman yarışları keçirildi

» 4/9/2020- AR Milli Məclisinin İnsan Hüquqları Komitəsi tərəfindən insan hüquqları sahəsində fəaliyyət göstərən QHT-lərlə birgə video-konfrans keçirmişdir.

» 3/9/2020- Əlilliyi olan uşaqların qatıldığı inkluziv idman yarışları təşkil edilib

» 2/9/2020- Bakıda Mərdəkan-Buzovna-Bilgəh magistral yolunda yeni piyada körpüsü istifadəyə verilib.

» 1/9/2020- “Vətən Fədailərinin Hüquqlarının Müdafiəsi” İctimai Birliyi hüquqi yardımların göstərilməsi layihəsinin icrasına başladı

» 1/9/2020- Sosial-psixoloji reabilitasiya xidmətləri təkmilləşdirilir

» 31/8/2020- Daha 155 nəfər əlilliyi olan şəxsə ehtiyac duyduqları reabilitasiya vasitələri yaşadıqları rayonlara aparılaraq verilib

» 28/8/2020- Azərbaycan Respublikası Nazirlər Kabinetinin 2020-ci il 27 avqust tarixli 309 nömrəli Qərarı ilə “Evdə təhsil almaq hüququ verən xəstəliklərin siyahısı və evdə təhsilin təşkili Qaydaları”nın “I. Evdə təhsil almaq hüququ verən xəstəliklərin Siyahısı” bölməsi yeni redaksiyada təsdiq edilmişdir.

» 28/8/2020- “Benefisiar sahibliyin açıqlanması”