18 İyun 2018-ci il

Əsas Səhifə Webmail


XƏBƏRLƏR

11px13px15px17px
6/10/2017 ECOSOC ilə əməkdaşlıq imkanları və perspektivləri


 Bu gün Azərbaycan Respublikasının Prezidenti yanında Qeyri Hökumət təşkilatlarına Dövlət Dəstəyi Şurasının təşəbbüsü, Beynəlxalq Avrasi ya Mətbuat Fondunun təşkilatçılığı ilə Azərbaycanın  bir sıra qeyri qeyri hökumət təşkilatlarının iştirakı ilə “BMT-nin İqtisadi Sosial Şurası ilə əməkdaşlıq imkanları və perspektivləri” mövzusunda tədbir keçirilib. BAMF-ın ofisində baş tutan tədbir də Azərbaycandan olan vətəndaş cəmiyyəti qurumlarının BMT qurumları ilə əlaqələrinin gücləndirilməsi, İqtisadi Sosial Şuranın QHT bölməsində təmsilçiliyi, dayanıqlı inkişaf hədəflərinin təşviq edilməsi və zəruri yardımların göstərilməsi geniş müzakirə olunub. Tədbiri çıxış sözü ilə açan Beynəlxalq Avrasiya Mətbuat Fondunun prezidenti Umud Mirzəyev rəhbərlik etdiyi təşkilatın regionda BMT-nin İqtisadi-Sosial Şurasının (ECOSOC) QHT bölməsinin ən yüksək statuslu (General Status) üzvü olan yeganə vətəndaş cəmiyyəti təmsilçisi olduğunu, bunun təkcə BAMF-ın yox, həm də Azərbaycanın nailiyyəti olduğunu bildirdi. 1992-ci ildə yaradılan təşkilat ötən illər ərzində fəaliyyətində inkşafa meylli, beynəlxalq əməkdaşlıq imkanlarının möhkəmləndirilməsi, yeni əlaqələrin qurulması, müxtəlif aspektləri əhatə edən sosial-humanitar proqramların icrasını prioritet seçib və bu istiqamətdə fasiləsiz olaraq uğurlu fəaliyyət göstərməyə davam edib. Bunun nəticəsi olaraq 2014-cü ildə Beynəlxalq Avrasiya Mətbuat Fondu (BAMF) böyük nailiyyətə imza ataraq BMT-nin İqtisadi-Sosial Şurasının (ECOSOC) QHT bölməsinin ən yüksək statuslu (General Status) üzvü oldu . ECOSOC-un məşvərətçi statusu 4 ildən bir seçilən, BMT -nin Təhlükəsizlik Şurasının 3 daimi üzvünün - ABŞ, Çin, Rusiyanında təmsil olunan 19 dövlətin nümayəndəsindən ibarət QHT komitəsinin zəmanət və tövsiyəsi əsasında verilir. Ən yüksək status dünyanın hər hansı bir regionunda və eləcə də Şərqi Avropa və Asiya regionunda BMT agentliklərinin prioritet hesab etdikləri sahələrin, davamlı inkişaf məsələlərinin təbliğ və inkişaf etdirilməsi üçün imkanlar yaradır.BMT-nin İqtisadi Sosial Şurası ECOSOC-da əsas məşvərətçi status qazanan BAMF BMT Baş Assambleyası tərəfindən çağırılan beynəlxalq konfrans və digər xüsusi iclasların iştirakçısı olmaq, komitə tərəfindən verilmiş zəmanət əsasında şifahi, həmçinin qısa yazılı bəyanatlar vermək, ECOSOC-un və onun digər orqanlarının iclaslarında iştirak üçün nümayəndələr təyin etmək, QHT-lərin maraqlı olduğu məsələlərlə bağlı katiblikdəki məmurlarla məsləhətləşmələr aparmaq səlahiyyətinə malikdir. Bunula yanaşı, bu üzvlük BAMF-a BMT-in mənzil qərərgahında istənilən vaxt beynəlxalq statuslu tədbirlər keçirməyə , müzakirələr təşkil etməyə imkan verir . BAMF müstəqil bir üzv olaraq istənilən vaxt aktual olan məsələni müzakirə predmetinə çevirərək BMT-yə üzv ölkələrinin mənzil qərərgahındakı təmsilçilərini  geniş tədbirə dəvət etmək imkanına malikdir. BAMF, ECOSOC-un əsas prioritetlərini Azərbaycanla yanaşı post sovet məkanında da davam etdirməklə davamlı inkişaf istiqamətində platformanın inkişaf etdirir.Ən yüksək status dünyanın, eləcə də Azərbaycanın maraq dairəsində olan məsələlərlə bağlı BMT-də müzakirələr zamanı vətəndaş cəmiyyəti təşkilatı olaraq həmin məsələlərə münasibət bildirmək, müvafiq səviyyədə işlər aparmaq, Azərbaycanın  maraqlarının beynəlxalq arenada güclənməsinə dəstək olmaq üçün geniş imkanlar açır. Qeyd edək ki, dünyada 31 mindən yuxarı BMT ilə əməkdaşlıq edən QHT-lərin yalnız 146 -nın ən yüksək statusla üzv olduğu bu siyahıda Beynəlxalq Həmkarlar İttifaqı Konfederasiyası, Beynəlxalq Rotari, BMT Assosiasiyaları üzrə Dünya Federasiyası, BMT-yə Dəstək Fondu, Dünya Müsəlmanları Liqası, Beynəlxalq Dünya Baxış, Uşaqların Xilası Beynəlxalq Təşkilatı,  Beynəlxalq Ticarət Palatası, Sosialist İnternasionalı, Dünya Veteranları Federasiyası, Əhali və İnkişaf naminə Parlamentarilərin Asiya Forumu və digər nüfuzlu təşkilatlar yer alıb. Umud Mirzəyevin sözlərinə görə bu siyahıda Azərbaycandan olan QHT-lərin sayı arta bilər. Sadəcə bu QHT-lər qarşılarına məqsəd qoymalı, yorulmadan bu istiqmətdə çalışmalıdırlar. BAMF isə öz növbəsində konsultasiya və texniki dəstək baxımından daim bu QHT-lərə yardım etməyə hazırdır. Bu istiqamətdə vətəndaş cəmiyyətinin müstəqil təmsilçisi , beynəlxalq statuslu təşkilat olmaqla BAMF-ın bütün dövlət qurumları ilə səmimi əməkdaşlıq əlaqələri və uğurlu tərəfdaşlığı da digər QHT-lərə də örnək təcrübə ola bilər. Daha sonra iştirakçılara BAMF-ın tədbir üçün xüsusi olaraq hazırladığı, ECOSOC-un Dəstək və Koordinasiya İdarəsinin QHT bölməsinin rəhbəri Mark-Andre Dorelin BMT-nin İqtisadi Sosial Şurası ilə əməkdaşlıq etmək , üzv olmaq arzusunda olan  təşkilatlara tövsiyələrinin yer aldığı video müraciət təqdim olundu. BAMF prezidentinin müavini Ramil Əzizov və köməkçisi Anastasiya Lavrina  BMT-nin İqtisadi Sosial Şurasına üzvlüklə bağlı qaydalar və şərtlərlə bağlı xüsusi təqdimatlar etdilər. Tədbirə qatılan Xarici İşlər Nazirliyinin təmsilçisi Qurban Abbaslı bu tipli tədbirin çox vacib əhəmiyyət daşıdığını, təmsil etdiyi dövlət qurumunun bu məsələyə xüsusi önəm verdiyini bildirdi. Görüşün baş tutmasına görə həm BAMF prezidenti Umud Mirzəyevə, həm də  Azərbaycan Respublikasının Prezidenti yanında Qeyri Hökumət təşkilatlarına Dövlət Dəstəyi Şurasının rəhbərliyinə minnətdarlığını bildirən Qurban Abbaslı Azərbaycan XİN-in Azərbaycanı təmsil edən və BMT-nin İqtisadi Sosial Şurasına üzv olmaq üçün potensialı olan vətəndaş cəmiyyəti təmsilçilərinin inkişaf etməsində, fəaliyyətlərinin daha da genişləndirməsində maraqlı olduqlarını bildirdi.  BMT-nin İctimai İnformasiya Departamentinin Azərbaycan üzrə təmsilçisi Rəşad Hüseynov isə Azərbaycanın vətəndaş cəmiyyətininin təmsilçilərinin aparıcı üzvlərinin BMT strukturları ilə əməkdaşlığını yüksək qiymətləndirdiklərini dedi. O, bildirdi ki, təmsil etdiyi qurum  Azərbaycan QHT-lərinin  BMT-nin İqtisadi Sosial Şurası ilə əməkdaşlığı istiqamətində görülən bütün fəaliyyətləri dəstəkləməyə hazırdır.

 
Toplantı daha sonra müzakirə formatında davam elədi. Tədbirdə iştirak edən "ASAN Könüllüləri" GənclərTəşkilatı İctimai Birliyi, Demokratik İslahatçı Gənclər İctimai Birliyi, Azərbaycan Demokratik Tələbə Gənclər Təşkilatı İctimai Birliyi, "Dostluq" gənclərin əlaqələndirmə mərkəzi ictimai birliyi, "Azəri Gənclər Alyansı" İctimai Birliyi, Sosial Rifah və Tədqiqatlar İctimai Birliyi, Azərbaycan Respublikası “Azərbaycan RUH” Komitəsi, Əlil Təşkilatları İttifaqı (ƏTİ), "Qadın Liderliyi Uğrunda" İctimai Birliyi, Memarlıq,inşaat və Dizayn” ictimai birliyinin rəhbər və nümayəndələri BAMF təmsilçilərinə onları maraqlandıran sualları ünvanladılar.
 
 BAMF-ın mətbuat xidməti 
1
 
1
 
1
 
1
 
1
 
1
 
1
 
1
 
1
 
1
 
1



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 464 dəfə oxunub




Flag Counter






» 14/6/2018- Sosial xidmətlər sahəsində beynəlxalq standartlar

» 14/6/2018- Əlilliyi olan şəxslər arasında özünüməşğulluq proqramları

» 13/6/2018- “Mina Qurbanlarının Sosial-İqtisadi Probelmlərinin Həllinə Kömək” İctimai Birliyi İsmayıllıda

» 13/6/2018- “Sağlam həyat naminə” devizi ilə maarifləndirmə

» 12/6/2018- “Qəhrəmanlarımızı tanıyaq və tanıdaq!”

» 12/6/2018- Şuranın dəstəyi ilə Şirvan şəhərində maarifləndirmə

» 12/6/2018- 12 İyun - Uşaq Əməyinə qarşı Ümumdünya Mübarizə Günüdür

» 11/6/2018- Abşeron rayonunda inklüziv təhsillə bağlı ictimai maarifləndirmə

» 8/6/2018- Xalq Cümhuriyyətinin 110 illiyinə həsr olunmuş Uşaq Paralimpiya İdman Festivalı

» 2/6/2018- Azərbaycan Diabet Liqasının balalarımıza bayram hədiyyəsi

» 2/6/2018- Qəhrəman döyüşçülər və şəhidlərin ictimaiyyət arasında təbliği

» 1/6/2018- Bütün uşaqlar bir arada

» 1/6/2018- Siyəzən rayonunda maarifləndirmə tədbiri

» 30/5/2018- Azərbaycanda əlilliyi olan insanların və uşaqların müdafiəsi

» 29/5/2018- “Sağlam həyat naminə” devizi ilə maarifləndirmə

» 28/5/2018- Əlilliyi olan gənclər üçün peşə kursu

» 26/5/2018- ƏTİ-nin idarə heyətinin növbəti iclası

» 24/5/2018- Masallı rayonda icma əsaslı sosial reabilitasiya mərkəzi

» 21/5/2018- “Dayanıqlı İnkişaf Məqsədlərinə doğru, davamlı inkişafın və layiqli əməyin təbliği” mövzusunda beynəlxalq konfrans

» 17/5/2018- Saxta əlillik təyinatlarına yol verilməsi və əlilliyin təyin olunmasında şəffaflığın tam təmin edilməsi üçün sistemli tədbirlər görüləcək