22 Oktyabr 2018-ci il

Əsas Səhifə Webmail


XƏBƏRLƏR

11px13px15px17px
3/11/2017 “Duyğularımızın rəngi” adlı sərgi


Milli Azərbaycan Tarixi Muzeyində “Duyğularımızın rəngi” adlı sərginin açılışı olub

AMEA Milli Azərbaycan Tarixi Muzeyi və Sabunçu rayonu Yeni Ramana qəsəbəsində yerləşən 1 saylı Sağlamlıq imkanları məhdud gənclərin Peşə Reabilitasiya Mərkəzinin təşkilatçılığı ilə gənclərin əl işlərindən ibarət sərginin açılış mərasimi olmuşdur. “3 dekabr - Beynəlxalq Əlillər günü”nə həsr olunmuş “Duyğularımın rəngi” adlı sərgi Azərbaycan Respublikasının Prezidenti yanında Bilik Fondunun dəstəyi ilə keçirilir. Tədbirin keçirilməsində məqsəd sağlamlıq imkanları məhdud istedadlı gənclərə dəstək olmaq və onların müxtəlif sənət sahələrini əks etdirən əl işlərini ictimaiyyətə təqdim etməkdir. Sərgidə 28 yaradıcı gəncin 100-dən çox əl işləri nümayiş olunur. Milli Azərbaycan Tarixi Muzeyinin Xarici əlaqələr və elmi-kütləvi iş şöbəsinin elmi işçisi Sahibə Ələkbərova sağlamlıq imkanları məhdud gəncləri Muzeyin elmi-ekspozisiyası ilə yaxından tanış etdi və onları maraqlandıran sualları ətraflı cavablandırdı. Tədbirdə Azərbaycan Milli Elmlər Akademiyası, Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu, Azərbaycan Respublikasının İnsan Hüquqları üzrə Müvəkkili (Ombudsman) Aparatı, Azərbaycan Dövlət Rəssamlıq Akademiyası və başqa müvafiq qurumların səlahiyyətli nümayəndələri iştirak etmişlər. Tədbiri, giriş sözü ilə muzeyin direktoru, akademik Nailə Vəlixanlı açaraq, gələn qonaqları salamladı və çıxışında bildirdi ki, sağlamlıq imkanları məhdud gənclərə dövlətimiz tərəfindən hərtərəfli qayğı göstərilir. Biz də öz tərəfimizdən sağlamlıq imkanları məhdud yaradıcı gənclərimizə əlimizdən gələn dəstəyi göstərməyə çalışırıq. Bu, bizim mənəvi borcumuzdur. Tədbirin muzeydə keçirilməsi sevindirici haldır. Belə tədbirlərin mütəmadi olaraq keçirilməsi, sağlamlıq imkanları məhdud gənclərin yaradıcılıq imkanlarının əyani olaraq cəmiyyətə inteqrasiyasında mühüm əhəmiyyət kəsb edir. Sonra Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun direktor müavini Əminə Seyidzadə çıxış edərək qeyd etdi ki, bu gün ölkəmizdə əlilliyi olan gənclər daim diqqət mərkəzindədirlər. Milli Azərbaycan Tarixi Muzeyi tərəfindən bu tədbirin keçirilməsi təqdirəlayiq haldır. Muzeyin təşəbbüsü ilə təşkil olunan bu sərgi, sağlamlıq imkanları məhdud gənclərin istedadlarının üzə çıxarılmasında vacib addımdır. Daha sonra Bakı Şəhər İcra Hakimiyyəti başçısının müavini Fidumə Hüseynova çıxış etdi. O, keçirilən tədbirin əhəmiyyətindən danışdı və sağlamlıq imkanları məhdud gənclərə belə diqqət göstərilməsini alqışladı. Tədbirdə iştirak edən Ombudsman Aparatının nümayəndəsi Müqalib Mahmudov və 1 saylı Sağlamlıq imkanları məhdud gənclərin Peşə Reabilitasiya Mərkəzinin direktoru Rəhilə Həsrətova, Əlil Təşkilatları İttifaqının prezidenti Davud Rəhimli çıxış edərək bu tədbirin keçirilməsinə görə Muzeyin rəhbərliyinə öz təşəkkürünü bildirdi və iştirakçıları sərgi ilə tanış olmağa dəvət etdi. Sonda sərgi iştirakçılarına Muzeyin rəhbərliyi və Bilik Fondu tərəfindən təşəkkürnamə və xüsusi hədiyyələr təqdim olundu. Tədbir bədii hissə ilə başa çatdı. “Duyğularımın rəngi” adlı sərgi noyabr ayının 10-dək davam edəcək.

 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 697 dəfə oxunub




Flag Counter






» 21/10/2018- Əlilliyi olan gənclərin 1918-ci il azərbaycanlıların soyqırımı haqqında maarifləndirilməsi

» 18/10/2018- ƏLIL TƏŞKILATLARI İTTIFAQI (ƏTİ) – 15 IL

» 17/10/2018- "Arabaçı Əlillər Şəbəkəsi İctimai Birliyinin" "Milli Qəhrəmanlarımız haqqında maarifləndirmə tədbirlərinin təşkili" layihəsi

» 16/10/2018- Qarabağ Qazilər Birliyinin sədri Etimad Əsədov dəfn edilib.

» 13/10/2018- Əmək və Əhalinin Sosial Müdafiəsi Nazirliyinin sifarişi ilə sosial xidmətlər sahəsində icra edilən layihələrin müstəqil monitorinqi

» 13/10/2018- Lənkəran Əlillərin Regional Bərpa Mərkəzində monitorinq

» 10/10/2018- 20 Yanvar şəhidinin xatirəsi yad olunub

» 9/10/2018- BMT-nin 2030-cu ilə kimi Davamlı İnkişaf Məqsədlərinin (DİM) həyata keçirilməsində vətəndaş cəmiyyətinin rolu

» 5/10/2018- “Əlilliyi olan şəxslərin əmək bazarında rəqabətə davamlı sahibkar kimi inkişafına yardımı üçün seminarların keçirilməsi”

» 5/10/2018- "Daktil Öyrənək-Daktil Əylənək"

» 4/10/2018- “Yetkinlik yaşına çatmamış Görmə İmkanları Məhdud Şəxslərin Bərpa Mərkəzi”ndə monitorinq keçirilmiçdir.

» 2/10/2018- "Daşınmaz əmlakın qeydiyyatında şəffaflıq, innovasiyalar və vətəndaş məmnunluğu" mövzusunda ictimai müzakirə

» 2/10/2018- Milli QHT Forumunun idarə heyətinin növbəti iclası olmuşdur.

» 2/10/2018- Müvəqqəti işlər vəkilinin qəbulu.

» 1/10/2018- Şamaxıda Türk məzarlığı xatirə abidəsinə ziyarət təşkil edildi

» 28/9/2018- “Azərbaycanda əlilliyi olan uşaqlar üçün keyfiyyətli inklüziv təhsilin genişləndirilməsi” layihəsi

» 27/9/2018- "Milli Qəhrəmanlarımızı tanıyaq və tanıdaq"

» 25/9/2018- İctimai Şuranın iclası keçirilmişdir.

» 24/9/2018- Respublika Əlillərin Bərpa Mərkəzində monitorinq keçirilmiçdir

» 22/9/2018- Dənizkənarı Milli Parkda “Beynəlxalq Sülh Günü”nə həsr olunmuş tədbir keçirilib