14 Avqust 2018-ci il

Əsas Səhifə Webmail


XƏBƏRLƏR

11px13px15px17px
7/11/2017 Gözdən Əlillər Cəmiyyətinın XVII qurultayı


Ötən dövrdə dövlət başçısının iştirakı ilə Qafqazda analoqu olmayan gözdən əlillər üçün Tədris Bərpa Mərkəzinin açılışı, Əmək və Əhalinin Sosial Müdafiəsi Nazirliyinin sifarişi ilə cəmiyyətə məxsus qeyri-yaşayış sahələrinin və mərkəzi inzibati binasının yerində 132 mənzilli yaşayış binası tikilərək gözdən əlillərə paylanılması çox vacib və əhəmiyyətli məsələ olmaqla yanaşı, həmin təbəqədən olanlara diqqət və qayğının parlaq ifadəsidir.

Son beş ildə Bakı Şəhər İcra Hakimiyyəti Kino Xidməti İdarəsi ilə “Sərhədsiz incəsənət” layihəsi çərçivəsində görmə və eşitmə imkanları məhdud olanlar üçün 9 cizgi filmi və 1 bədii filmi çəkilib. Həmin təbəqədən olanlar üçün xüsusi kompüter və ingilis dili kursları təşkil edilib və həmin kurslara ümumilikdə 100-ə yaxın gözdən əlil cəlb edilib. Ötən il ən gözəl töhfələrdən biri də Nəqliyyat, Rabitə və İnformasiya Texnologiyaları Nazirliyinin təqdim etdiyi 200 ədəd səsli kompüterin alınması olub. Bakı 1 nömrəli Baza Tibb Kollecini respublikada ilk dəfə olaraq bitirmiş 13 nəfər görmə imkanları məhdud məzunların hər biri səhiyyə müəssisələrində masajçı işi ilə təmin edilib.

Ötən beş il ərzində cəmiyyət daxili imkanları çərçivəsində yataqxana işçilərinə ümumilikdə 10 min, cəmiyyət üzvlərinə və mərkəzi idarənin işçilərinə müxtəlif vaxtlarda 6,5 min manat yardım ayırıb. Qurban və Ramazan bayramları münasibətilə ötən 5 il ərzində Bakı şəhərində yaşayan 4500 gözdən əlil vətəndaşa Qurban və Ramazan bayramları münasibətilə sovqatlar verilib.

AZƏRTAC xəbər verir ki, bütün bunlar Azərbaycan Gözdən Əlillər Cəmiyyətinin XVII qurultayında cəmiyyətin prezidenti Səmiyar Abdullayevin hesabat məruzəsində əks olunub. O, gözdən əlillərin məşğulluq, sosial inteqrasiya və mənzil problemlərinin həlli sahəsində görülən işlərdən danışmaqla yanaşı, qurumun son beş ili əhatə edən ümumi maliyyə dövriyyəsi haqqında məlumat verərək həmin dövrdəki rəqəmin 301,2 min manat civarında olduğunu söyləyib.

Qurultayda Milli Məclisin deputatları Hadi Rəcəbov, Rasim Musabəyov, Elman Nəsirov, müxtəlif nazirlik, qurum və təşkilatların nümayəndələri öz çıxışlarında hesabat dövrü ərzində Əlillər Cəmiyyətinin gördüyü işləri təqdir edib, xüsusilə son on ilə yaxın dövrdə 250 ailənin mənzillə təmin olunmasını sağlamlıq imkanları məhdud şəxslərin həyatında çox əhəmiyyətli bir iş olduğunu vurğulayıblar. Sonra hesabatların müzakirəsi və qiymətləndirilməsi ilə əlaqədar çıxışlar olub.

Qurultay təşkilati məsələlərə də baxıb, açıq səsvermə nəticəsində rəhbər orqanlara seçkilər keçirilib. Səmiyar Abdullayev növbəti müddətə cəmiyyətin sədri seçilib.

Daha sonra cəmiyyətin məclisinə, idarə heyətinə üzvlərin seçilməsi ilə bağlı seçkilər keçirilib. Qurultayın sonunda cəmiyyətin növbəti 5 il müddətinə fəaliyyət istiqamətləri müəyyənləşdirilib və qərar layihəsi təsdiq olunub.

Qurultayda “Sərhədsiz incəsənət” layihəsi çərçivəsində görmə və eşitmə qüsurlu uşaqlar üçün hazırlanan tiflo və surdo cizgi filmlərinin təqdimatı keçirilib. Layihə çərçivəsində həmin filmlərin ölkəmizdə yaşayan bütün gözdən əlil uşaqlara çatdırılması üçün cəmiyyətin regional təşkilatlarına paylanılıb.

Davud Rəhimli

 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 649 dəfə oxunub




Flag Counter






» 13/8/2018- Abşeron İƏRM-in fəaliyyəti davam edəcək

» 13/8/2018- DOST Agentliyi və mərkəzlərinin yaradılması

» 9/8/2018- Əhalinin məşğulluğu, əmək, sosial müdafiə və təminat sahələrində idarəetmənin təkmilləşdirilməsi ilə bağlı əlavə tədbirlər haqqında Azərbaycan Respublikası Prezidentinin Fərmanı

» 9/8/2018- 374 nəfər əlilliyi olan şəxs münasib işlərlə təmin edilib

» 9/8/2018- Xüsusi qayğıya ehtiyacı olan insanların sosial müdafiəsinin təşkili

» 9/8/2018- İşini itirən şəxsə sığorta ödənişi almaq hüququnun müəyyən olunması üçün məşğulluq orqanına müraciət etməsi barədə sms bildiriş göndəriləcək

» 7/8/2018- Dövlət Məşğulluq Xidmətinin qabaqcıl Avropa təcrübəsi əsasında yeni xidmət modeli yaradılır

» 6/8/2018- İŞÇİ QRUPA ÜMİDLƏR ÇOXDUR. ƏLİLLİYİN TƏYİN OLUNMASI. ƏN ÇOX ŞİKAYƏT OLUNAN SAHƏ, YA HƏKİMLƏR BACARIQSIZDIRLAR, YA SİSTEM DÜZGÜN QURULMAYIB, YA DA BAŞQA MARAQLAR VAR.

» 4/8/2018- Vərəsələrinə birdəfəlik ödəmələr veriləcək şəhid hərbi qulluqçuların siyahısı sentyabr ayında dərc ediləcək

» 3/8/2018- “Qarabağ Əlilləri və Veteranları” İctimai Birliyi layihəyə yekun vurdu

» 3/8/2018- Qarabağ müharibəsi əlilləri və şəhid ailələrininə şad xəbər

» 2/8/2018- Özünüməşğulluq proqramı üzrə artıq 3500-dən çox vətəndaşın biznes-planı müsbət qiymətləndirilib

» 1/8/2018- Azərbaycan Respublikasının Prezidenti İlham Əliyevin iştirakı ilə Qarabağ, Böyük Vətən müharibələri, Çernobıl əlillərinə və şəhid ailələrinə mənzillərin və avtomobillərin verilməsi mərasimi həyata keçirilib

» 31/7/2018- Şuranın dəstəyi ilə “Əlil Sahibkarlar Təşkilatı” İctimai Birliyi yeni layihənin icrasına start verib

» 31/7/2018- Peşə kursları davam edir

» 30/7/2018- PARALİMPİYAÇI QIZLARIMIZ RUSİYA SƏMASINDA

» 30/7/2018- Əmək və Əhalinin Sosial Müdafiəsi Nazirliyi daha 100 nəfər əlilliyi olan şəxsi istirahət mərkəzlərinə göndərib

» 30/7/2018- Qarabağ müharibəsi əlilləri və şəhid ailələri ilə görüş

» 30/7/2018- Əlilliyi olan şəxslər arasında özünüməşğulluq - Qax

» 26/7/2018- QHT-nin yardım tədbiri