18 Oktyabr 2018-ci il

Əsas Səhifə Webmail


XƏBƏRLƏR

11px13px15px17px
12/6/2018 Şuranın dəstəyi ilə Şirvan şəhərində maarifləndirmə


Şuranın dəstəyi ilə növbəti maarifləndirmə tədbiri

Şirvan şəhərində təşkil edilib

Xəbər verildiyi kimi, “Sağlam Həyat” Ana və Uşaqlara Qayğı İctimai Birliyi Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə “Sağlam həyat naminə” devizi ilə maarifləndirmə aksiyalarının keçirilməsi” adlı layihənin icrasını həyata keçirir. Həmin layihə  çərçivəsində Şirvan şəhər 9 saylı tam orta məktəbdə uşaqların, yerli icra hakimiyyəti orqanının müvafiq əməkdaşlarının, valideynlərin, müəllimlərin və şagirdlərin iştirakı ilə növbəti maarifləndirmə tədbiri təşkil edilib.  

Tədbirdə çıxış edən təşkilatın eksperti Asəf Kərimov belə bir aktual məsələyə həsr olunmuş layihəyə dəstək verdiyinə görə Şuraya, tədbirin yüksək səviyyədə təşkilinə görə isə Şirvan Şəhər İcra Hakimiyyətinə təşəkkürünü bildirib və layihənin məqsəd və vəzifələri barədə məlumat verib.

A.Kərimov layihənin məqsədinin regionlarda yaşayan uşaq və gənclər arasında sağlam həyat tərzinin təbliği, pis vərdişlər, narkomaniya, alkoqolizm, vərəm, hepatit virusları, İİV/QİÇS,  cinsi yolla yoluxan xəstəliklər və digər bu kimi xəstəliklər və onların fəsadları, habelə tütünçəkməyə meylliliyin insanın sağlamlığına təsiri ilə bağlı təhsil müəssisələrində maarifləndirmə tədbirləri təşkil etməklə Azərbaycan cəmiyyəti üçün böyük aktuallıq kəsb edən problemin həllinə dəstək verməkdən ibarət olduğunu diqqətinə çatdırıb. 

Qeyd olunub ki, bu gün uşaq və gənclərin hüquq və azadlıqlarının müdafiəsi, gələcək inkişafının təmini,  onların sağlamlığının qorunması, pis vərdişlərdən uzaq olaraq idmana, sağlam həyat tərzinə meyllərinin artırılması dövlət tərəfindən müəyyən edilən əsas vəzifələrdən biridir. Təbii ki, bu işdə aidiyyəti dövlət qurumları ilə yanaşı vətəndaş cəmiyyəti institutları tərəfindən də şagirdlər arasında sağlam həyat tərzinin təbliğinə, buna yiyələnməyin üsullarının öyrənilməsinə, yoluxucu xəstəliklər və onların fəsadları barədə məlumatlılığın artırılmasına dair davamlı olaraq maarifləndirici tədbirlər keçirilməlidir.

Ekspertin pis vərdişlər (narkotikdən istifadə,  spirtli içkilərin qəbulu, siqaret çəkmək və. s), habelə infeksion xəstəliklər (vərəm, hepatit virusları, İİV/QİÇS,  cinsi yolla yoluxan xəstəliklər və s.) törətdiyi fəsadlar, bu sahədə aparılan müayinə və müalicə tədbirləri,  cinsi yolla yoluxan xəstəliklərdən əziyyət çəkən insanların hüquqları və onların müdafiəsi  yolları haqqında verdiyi məlumatlar tədbir iştirakçıları tərəfindən böyük maraqla qarşılanıb.

Şirvan Şəhər İcra Hakimiyyətinin şöbə müdirinin müavini Adəm Hüseynov isə öz çıxışında sağlam həyat tərzi üçün şərait və imkanların yaradılması, əhalinin öz sağlamlığı üçün məsuliyyətinin və marağının artırılmasından ötrü maarifləndirmə işlərinin genişləndirilməsi istiqamətində əməli tədbirlərin həyata keçirilməsinin çox vacib bir məsələ olduğunu vurğulayıb, Azərbaycan cəmiyyəti üçün böyük aktuallıq kəsb edən problemlə mübarizənin gücləndirilməsinə daha çox uşaq və gənclərin iştirakı ilə keçirilən bu maarifləndirmə tədbirinin öz tohfəsini verəcəyini bildirib. Davud Rəhimli

Tədbirdə uşaqlar və gənclər arasında sağlam həyat tərzinin təbliği məsələləri ilə bağlı geniş müzakirələr aparılıb, bu sahədə mövcud olan problemlərin aradan qaldırılmasına yönəlmiş bir sıra təkliflər irəli sürülüb.  

 

  Mətbuat xidməti



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 173 dəfə oxunub




Flag Counter






» 17/10/2018- "Arabaçı Əlillər Şəbəkəsi İctimai Birliyinin" "Milli Qəhrəmanlarımız haqqında maarifləndirmə tədbirlərinin təşkili" layihəsi

» 16/10/2018- Qarabağ Qazilər Birliyinin sədri Etimad Əsədov dəfn edilib.

» 13/10/2018- Əmək və Əhalinin Sosial Müdafiəsi Nazirliyinin sifarişi ilə sosial xidmətlər sahəsində icra edilən layihələrin müstəqil monitorinqi

» 13/10/2018- Lənkəran Əlillərin Regional Bərpa Mərkəzində monitorinq

» 10/10/2018- 20 Yanvar şəhidinin xatirəsi yad olunub

» 9/10/2018- BMT-nin 2030-cu ilə kimi Davamlı İnkişaf Məqsədlərinin (DİM) həyata keçirilməsində vətəndaş cəmiyyətinin rolu

» 5/10/2018- “Əlilliyi olan şəxslərin əmək bazarında rəqabətə davamlı sahibkar kimi inkişafına yardımı üçün seminarların keçirilməsi”

» 5/10/2018- "Daktil Öyrənək-Daktil Əylənək"

» 4/10/2018- “Yetkinlik yaşına çatmamış Görmə İmkanları Məhdud Şəxslərin Bərpa Mərkəzi”ndə monitorinq keçirilmiçdir.

» 2/10/2018- "Daşınmaz əmlakın qeydiyyatında şəffaflıq, innovasiyalar və vətəndaş məmnunluğu" mövzusunda ictimai müzakirə

» 2/10/2018- Milli QHT Forumunun idarə heyətinin növbəti iclası olmuşdur.

» 2/10/2018- Müvəqqəti işlər vəkilinin qəbulu.

» 1/10/2018- Şamaxıda Türk məzarlığı xatirə abidəsinə ziyarət təşkil edildi

» 28/9/2018- “Azərbaycanda əlilliyi olan uşaqlar üçün keyfiyyətli inklüziv təhsilin genişləndirilməsi” layihəsi

» 27/9/2018- "Milli Qəhrəmanlarımızı tanıyaq və tanıdaq"

» 25/9/2018- İctimai Şuranın iclası keçirilmişdir.

» 24/9/2018- Respublika Əlillərin Bərpa Mərkəzində monitorinq keçirilmiçdir

» 22/9/2018- Dənizkənarı Milli Parkda “Beynəlxalq Sülh Günü”nə həsr olunmuş tədbir keçirilib

» 21/9/2018- BMT-nin İnsan Hüquqları Ali Komisarlığında Əlilliyi olan Şəxslər üzrə Komitənin “Əlilliyi olan şəxslərin hüquqları haqqında” Konvensiya üzrə 20 sessiyası

» 14/9/2018- Reabilitasiya mərkəzləri ilə bağlı nümunəvi nizamnamə hazırlanır