14 Noyabr 2018-ci il

Əsas Səhifə Webmail


XƏBƏRLƏR

11px13px15px17px
2/7/2018 “İnklüziv cəmiyyət naminə - inklüziv təhsil” Xırdalan şəhər 10


Şuranın dəstəyi ilə inklüziv təhsillə həsr edilmiş növbəti tədbir

Xırdalan şəhər 10 saylı tam orta məktəbdə keçirilib

“Ümman” Əlilliyi olan Uşaqlara Qayğı ictimai birliyinin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəklədiyi “İnklüziv cəmiyyət naminə - inklüziv təhsil” şüarı ilə ictimai maarifləndirmə kampaniyalarının təşkili” layihəsi çərçivəsində Abşeron rayonu Xırdalan şəhəri 10 nömrəli tam orta məktəbdə növbəti ictimai maarifləndirmə tədbiri keçirilib.

Tədbiri giriş sözü ilə açıq elan edən məktəbin direktoru Elnarə Həsənova ölkəmizdə təhsilin bütün pilləri üzrə inklüziv təhsilin tətbiqinin olduqca vacib olduğunu və artıq bu istiqamətdə ilkin addımların atıldığını söyləyib.

Daha sonra birliyin sədri Şükufə Məmmədova çıxış edərək tədbir iştirakçılarını salamlayıb,  layihənin əsas məqsədi və vəzifələri barədə ətraflı məlumat verib, həmçinin inklüziv təhsilin təşviqinə həsr edilmiş layihəyə dəstək verdiyinə görə Şuraya, tədbirinin təşkil edilməsi üçün yaradılan şəraitə görə isə yerli icra hakimiyyətinə, təhsil şöbəsinə və məktəb rəhbərliyinə təşəkkürünü bildirib.   

Layihəyə ekspert qismində cəlb olunmuş sosial iş üzrə mütəxəssis Ramilə Rasimqızı BMT-nin “Əlilliyi olan şəxslərin hüquqları haqqında” Konvensiyasının, həmçinin dövlət başçısı cənab İlham Əliyevin müvafiq fərman və sərəcamları ilə təsdiq edilmiş “Azərbaycan 2020: Gələcəyə Baxış” İnkişaf Konsepsiyasının, “Azərbaycan Respublikasında təhsilin inkişafı üzrə Dövlət Strategiyası”nın həyata keçirilməsi ilə bağlı Fəaliyyət Planı”nın, “2018-2024-cü illərdə Azərbaycan Respublikasında sağlamlıq imkanları məhdud şəxslər üçün inklüziv təhsilin inkişafı üzrə Dövlət Proqramı”nın müvafiq müddəalarına əsasən ölkəmizdə bu qəbildən olan uşaqların digər uşaqlarla birgə təhsilə (inklüziv təhsilə) cəlb olunması üçün həyata keçirilməsi zəruri olan tədbirlər barədə məlumat verib.

İnklüziv təhsil üzrə elmi araşdırmalar aparan və bu sahədə maarifləndirmə tədbirlərində ekspert kimi fəal iştirak edən pedaqoq Gülnar Vəliyeva öz təqdimatında inklüziv təhsilin anlayışı, məqsədi, vəzifələri və əhəmiyyəti, bu sahədə qarşıda duran çətinliklər, habelə onların aradan qaldırılması yolları barədə məlumat verib. O, qeyd edib ki, hələ 1994-cü ildə qəbul edilmiş Salamanka Bəyannaməsinə əsasən, məktəblər bütün uşaqları, onların fiziki, intellektual, sosial, emosional, dil və digər xüsusiyyətlərinə baxmayaraq, qəbul etməlidir. Bu, əqli və fiziki ləngiməsi olan, xüsusi istedada malik, kimsəsiz, işləyən uşaqlar… etnik və mədəni azlıqlara mənsub olan uşaqlara da aiddir. İnklüziv təhsil ümumi təhsilin inkişafı prosesidir. Təhsilin bütün uşaqların müxtəlif ehtiyaclarının ödənilməsi baxımından hamı üçün əlçatan olmasını nəzərdə tutur. Bu əlilliyi olan uşaqların da təhsil almasını təmin edir.

Diqqətə çatdırılıb ki, müasir dövrdə inklüziv təhsil (fr. inclusif – “özünə daxil edən”, lat. Include - “daxil edirəm”) dedikdə uşaqların məktəbəqədər müəssisələrdə, orta təhsil məktəblərində dərs alması prosesi nəzərdə tutulur ki, bunun da xüsusi tələbləri var. Təlim metodikasına müvafiq olaraq inklüziv təhsil uşaqlara qarşı hər hansı formada ayrı-seçkilik edilməsinin qarşısını alır, müxtəlif nevroloji və ya mental problemləri olanlara belə mükəmməl şəkildə təhsil almaq, uğur qazanmaq imkanı verir. Onun əsas vəzifəsi məhdud imkanlara malik insanların peşə hazırlığı üçün sərhəd tanımayan mühit yaratmaqdır.

Dünyanın bir çox ölkələrində (Böyük Britaniya, ABŞ, İsveçrə və s.) xüsusi qayğıya ehtiyacı olan uşaqların  digər yaşıdları ilə birlikdə məktəbəqədər və ümumtəhsil müəssisələrində təhsilə cəlb edildiyi, inklüziv təhsilin inkişafının dünyanın bir çox ölkələrinin təhsil siyasətinin əsas prioritetlərindən biri olduğu vurğulanıb.

 Mətbuat xidməti

 
 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 218 dəfə oxunub




Flag Counter






» 14/11/2018- "Ətraf mühitin əlilliyi olan şəxslərin hərəkət etmək imkanlarına uyğunlaşdırılmasına dəstək"

» 14/11/2018- IV Uşaq Paralimpiya İdman Oyunlarına start verilib.

» 13/11/2018- 13 noyabr - Beynəlxalq Görmə Əlilliyi olan Şəxslər Günü

» 12/11/2018- Ümumdünya Diabet Gününə həsr olunmuş tədbir

» 08/11/2018- Dövlətin Əlilliyi olan şəxslərə dəstəyi

» 2/11/2018- Əmək və Əhalinin Sosial Müdafiəsi Nazirliyində boccia idman növü üzrə beynəlxalq yarışda ilk dəfə medal qazanmış komandamızla görüş keçirilib

» 29/10/2018- Layihə çərçicəsində yekun - hesabat tədbiri

» 29/10/2018- Boccia idman növü üzrə paralimpiyaçılar vətənə qayıtdılar

» 26/10/2018- Bakıda “Yeni dünya və yeni insan formalaşdıraq: kreativlik və insan inkişafı” mövzusunda VI Beynəlxalq Humanitar Forumu keçirilmişdir.

» 25/10/2018- Yeniyetmə və gənclər arasında qəhrəmanlarımızın təbliği

» 24/10/2018- Yeniyetmə və gənclərin vətənpərvərlik tərbiyəsi

» 21/10/2018- Əlilliyi olan gənclərin 1918-ci il azərbaycanlıların soyqırımı haqqında maarifləndirilməsi

» 18/10/2018- ƏLIL TƏŞKILATLARI İTTIFAQI (ƏTİ) – 15 IL

» 17/10/2018- "Arabaçı Əlillər Şəbəkəsi İctimai Birliyinin" "Milli Qəhrəmanlarımız haqqında maarifləndirmə tədbirlərinin təşkili" layihəsi

» 16/10/2018- Qarabağ Qazilər Birliyinin sədri Etimad Əsədov dəfn edilib.

» 13/10/2018- Əmək və Əhalinin Sosial Müdafiəsi Nazirliyinin sifarişi ilə sosial xidmətlər sahəsində icra edilən layihələrin müstəqil monitorinqi

» 13/10/2018- Lənkəran Əlillərin Regional Bərpa Mərkəzində monitorinq

» 10/10/2018- 20 Yanvar şəhidinin xatirəsi yad olunub

» 9/10/2018- BMT-nin 2030-cu ilə kimi Davamlı İnkişaf Məqsədlərinin (DİM) həyata keçirilməsində vətəndaş cəmiyyətinin rolu

» 5/10/2018- “Əlilliyi olan şəxslərin əmək bazarında rəqabətə davamlı sahibkar kimi inkişafına yardımı üçün seminarların keçirilməsi”