24 May 2019-ci il

Əsas Səhifə Webmail


XƏBƏRLƏR

11px13px15px17px
28/9/2018 “Azərbaycanda əlilliyi olan uşaqlar üçün keyfiyyətli inklüziv təhsilin genişləndirilməsi” layihəsi


Təhsil Nazirliyi və UNICEF-in tərəfdaşlığı ilə “Azərbaycanda əlilliyi olan uşaqlar üçün keyfiyyətli inklüziv təhsilin genişləndirilməsi” layihəsinin təqdimatı olub.

Universitetin Mətbuat və ictimaiyyətlə əlaqələr xidməti xəbər verir ki, Gəncə Dövlət Universitetində keçirilən təqdimatda çıxış edən ali təhsil müəssisəsinin tədris işləri üzrə prorektoru Fəxrəddin Məmmədov qonaqlara universitetin yaranma tarixi, fəaliyyət istiqamətləri və beynəlxalq əlaqələri haqqında məlumat verib.

Təhsil Nazirliyinin nümayəndəsi Orxan Abbasov çıxış edərək Avropa İttifaqı tərəfindən maliyyələşdirilən “Azərbaycanda əlilliyi olan uşaqlar üçün keyfiyyətli inklüziv təhsilin genişləndirilməsi” layihəsinin UNICEF tərəfindən Azərbaycan Respublikası Təhsil Nazirliyi ilə tərəfdaşlıq şəraitində 2018–2020-ci illərdə həyata keçiriləcəyini bildirib.

Layihənin əhəmiyyətindən danışan O.Abbasov deyib ki, inklüziv təhsil modullarının milli pedaqoji təhsil proqramına daxil edilməsi ilkin pedaqoji təhsil və ixtisasartırma təhsili alan müəllimlərin bu təhsil sahəsində biliklərini, potensialını artıracaq. Bu da müəllimlərin bacarıqlarını və verilən təhsilin keyfiyyətini əhəmiyyətli dərəcədə yaxşılaşdıracaq.

UNICEF–in Azərbaycanda təhsil üzrə mütəxəssisi Leyla Həsənova çıxışında qeyd edib ki, UNICEF Azərbaycanda yaşayan uşaqların həyatını yaxşılaşdırmaq məqsədi ilə 1993-cü ildən etibarən yerli QHT-lər və icma təşkilatları ilə tərəfdaşlıq edir. UNICEF-in rolu ölkədə müşahidə olunan sürətli inkişaf tempinə uyğun olaraq artır. Əgər əvvəllər UNICEF-in fəaliyyəti birbaşa yardım vasitəsilə bir neçə min uşağı əhatə edirdisə, bu gün təşkilatın əsas məqsədi sistematik dəyişiklikləri təmin etmək və bütün Azərbaycan uşaqlarının həyatına təsir etməkdir. Leyla Həsənova Azərbaycanın uşaq və gənclər siyasəti sahəsində əsaslı irəliləyişlərə imza atdığını qeyd edərək, BMT-nin Uşaq Fondunun praktiki əsasda Azərbaycan tərəfi ilə qurulmuş əməkdaşlıqdan məmnun olduğunu söyləyib. O, BMT-nin Uşaq Fondunun ölkə üzrə 2016–2020-ci illəri əhatə edən proqramının qəbul olunmasının gələcək əməkdaşlıq üçün yeni perspektivlər açdığını da diqqətə çatdırıb.

Universitetin humanitar məsələlər üzrə prorektoru, dosent Gülsüm Fətəliyeva, beynəlxalq əlaqələr şöbəsinin müdiri Ruslan Məmmədov və pedaqoji fakültənin ümumi pedaqogika kafedrasının müəllimi Lamiyə Nağıyeva layihə haqqında təkliflərini bildiriblər.

UNICEF tərəfindən bütün dünyada uşaqların vəziyyətinin yaxşılaşdırılması naminə aparılan fəaliyyətdən söhbət açan çıxışçılar bildiriblər ki, uşaqların rifahı, sağlamlığı və təhsilinin təmin edilməsi istiqamətində görülən işlər yüksək qiymətləndirilir. Bu gün, ümumiyyətlə, təhsildən, gənc nəsildən, uşaqlarımızdan danışırıqsa, demək ki, ölkəmizin gələcəyindən danışırıq. Çünki Azərbaycanın sabahını, gələcəyini bu uşaqlar təmin edəcəklər. Bu gün Prezident İlham Əliyevin, birinci xanım Mehriban Əliyevanın təşəbbüsləri ilə Azərbaycanda uşaq hüquqlarının müdafiəsi sahəsində görülmüş işlər təqdirəlayiqdir. Belə ki, Prezident İlham Əliyevin 2017-ci il 14 dekabr tarixli Sərəncamı ilə təsdiqlənmiş “2018-2024-ci illərdə Azərbaycan Respublikasında sağlamlıq imkanları məhdud şəxslər üçün inklüziv təhsilin inkişafı üzrə Dövlət Proqramı”nın icrası buna əyani sübutdur. Bu istiqamətdə Gəncə Dövlət Universitetində də əlil tələbələr üçün xüsusi şərait yaradılıb. Əlilliyi olan tələbələr üçün mərkəz təşkil olunub. Mərkəz müasir avadanlıqlarla təmin edilib.

Görüşdə Gəncə Dövlət Universiteti ilə UNICEF arasındakı əməkdaşlığın uğurla davam etdiriləcəyi bildirilib.

Davud Rəhimli

 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 394 dəfə oxunub




Flag Counter






» 20/5/2019- Kiçik və orta biznesin inkişafında ictimai şuraların rolu

» 20/5/2019- Kənd yerlərində əlilliyi olan şəxslərə hüquqi xidmətlər

» 18/5/2019- Lənkəran şəhərində növbəti ictimai məlumatlandırma seminarı keçirilib

» 15/5/2019- “IBSA Judo Grand Prix Baku 2019” yarışının yekunları rəqəmlərdə: Azərbaycan medal sayına görə birinci yerdə

» 15/5/2019- Azərbaycanın özünüməşğulluq proqramı Avropanın ən “Yaxşı Təcrübə”si mükafatına layiq görülüb

» 14/5/2019- Assosiasiyasının Avropa Regional Sosial Təminat Forumu keçirilir

» 13/5/2019- Bu gün Bakıda paracüdo üzrə beynəlxalq Qran-Pri yarışlarına start veriləcək

» 19/5/2019- Prezident İlham Əliyev DOST Agentliyinin və ilk DOST mərkəzinin inzibati binasının açılışında iştirak edib

» 8/5/2019- Əlilliyi olan şəxslərə hüquqi xidmətlər göstəriləcəkdir.

» 8/5/2019- Cari ilin yanvar-aprel aylarında 70 talassemiya xəstəsinə əlillik və ya sağlamlıq imkanları məhdudluğu təyin edilib

» 04/5/2019- “Genderə - həssas Dayanıqlı İnkişaf Məqsədlərinin Həyata Keçirilməsində Vətəndaş Cəmiyyətinin Rolunun Artırılması” layihəsi

» 3/5/2019- I və II dərəcə əlilliyi olan şəxslərin, habelə sağlamlıq imkanları məhdud 18 yaşınadək uşaqların təhsil haqqı xərclərinin ödənilməsi haqqında Azərbaycan Respublikası Prezidentinin Sərəncamı

» 1/5/2019- Əmək pensiyası alan I dərəcə əlilliyi olan şəxslərə və müharibə veteranlarına Prezidentin təqaüdünün təyin edilməsi üçün onlardan sənəd qəbuluna artıq başlanıb

» 27/4/2019- Lənkəran şəhərində ictimai məlumatlandırma seminarı keçirilib

» 20/4/2019- Əlilliyə görə pensiyaların da elektron qaydada təyinatına başlanıb

» 18/4/2019- 17 Aprel Dünya Hemofiliya gününə həsr edilmiş dövlət nümayəndələri ilə konfrans keçirildi.

» 18/4/2019- Əlil arabası ilə təmin olunmaq üçün müraciət proseduru sadələşdirilir

» 15/4/2019- “Sosial müavinətlərin məbləğinin artırılması haqqında” Azərbaycan Respublikası Prezidentinin 2013-cü il 29 avqust tarixli 973 nömrəli Fərmanında dəyişiklik edilməsi barədə Azərbaycan Respublikası Prezidentinin Fərmanı

» 12/4/2019- Azərbaycan Əlil Təşkilatları İttifaqının (ƏTİ) idarə heyətinin iclası. 04 2019

» 9/4/2019- Əmək və əhalinin sosial müdafiəsi naziri Sahil Babayev İctimai Şuranın üzvləri ilə görüşüb