15 Dekabr 2019-ci il

Əsas Səhifə Webmail


XƏBƏRLƏR

11px13px15px17px
22/11/2019 Əmək və Əhalinin Sosial Müdafiəsi Nazirliyinin Mərdəkan Müalicə Pansionatı istifadəyə verildi


Əmək və Əhalinin Sosial Müdafiəsi Nazirliyinin Mərdəkan Müalicə Pansionatı istifadəyə verildi

 

Bu gün Əmək və Əhalinin Sosial Müdafiəsi Nazirliyinin daha bir bərpa müalicə müəssisəsi - Mərdəkan Müalicə Pansionatı əsaslı təmir və yenidənqurmadan sonra istifadəyə verilib.

Pansionatın açılışı tədbirində Əmək və Əhalinin Sosial Müdafiəsi nazirinin müavini Anar Kərimov, Xəzər rayon İH başçısının müavini Vüqar Novruzov, Nazirlik yanında Dövlət Tibbi-Sosial Ekspertiza və Reabilitasiya Xidmətinin rəisi Cavid Əbdül-Qədirov, Əmək və Əhalinin Sosial Müdafiəsi nazirinin müşaviri Rüstəm Ağayev və b. iştirak edib.

A.Kərimov çıxış edərək vurğulayıb ki, bu müəssisədə əsaslı təmir və yenidənqurma işləri aparılmaqla, müasir tələblərə uyğun bərpa müalicəsi şəraitinin yaradılması Azərbaycan Respublikasının Prezidenti cənab İlham Əliyevin həssas qruplardan olan vətəndaşlara, o cümlədən əliliyi olan şəxslərə  xüsusi qayğısının daha bir təzahürüdür.

Hazırda nazirliyin 14 bərpa-müalicə müəssisəsi  olduğunu qeyd edən nazir müavini dövlət başçısının tapşırığına uyğun olaraq  ölkəmizdə bərpa müalicəsi  infrastrukturunun müasirləşdirilməsi sahəsində aparılan işlər barədə məlumat verib. O bildirib ki, son illərdə Nazirliyin Respublika Əlillərin Bərpa Mərkəzində, Uşaq Bərpa Mərkəzində yüksək səviyyəli reabilitasiya şəraiti yaradılıb. Bu günlərdə isə Yevlax və Naftalan şəhərlərində Əlilliyi olan şəxslər üçün Regional Bərpa Mərkəzləri əsaslı təmir və yenidənqurmadan sonra istifadəyə verilib. Eyni zamanda, Heydər Əliyev Fondu tərəfindən də əlilliyi olan şəxslərin reabilitasiyasına mühüm töhfələr verilir. Fondun dəstəyi ilə son illərdə Bakının Yeni Günəşli yaşayış massivində Xüsusi Qayğıya Ehtiyacı olan Uşaqların Dövlət Reabilitasiya Müəssisəsi də yaradılıb.

A.Kərimov Sumqayıt, Şəki, Şirvan, Xaçmaz, Lənkəran Regional Bərpa Mərkəzlərində, Şağan Əlilliyi olan şəxslər üçün Müalicə Pansionatında əsaslı təmir və yenidənqurma işlərinin davam etdiyini deyib. Həmin müəssisələrdə də yüksək standartlara uyğun bərpa müalicəsi şəraitinin yaradılmaqda olduğunu bildirib. Eyni zamanda, dövlət başçısının tapşırığına əsasən, bərpa mərkəzləri şəbəkəsinin ölkə boyu genişləndirilməsinin də nəzərdə tutulduğunu, ayrı-ayrı bölgələrdə yeni reabilitasiya müəssisələrinin yaradılacağını deyib.

Mərdəkan Müalicə Pansionatında əlilliyi olan şəxslərlə bərabər, müharibə veteranlarına, əmək pensiyaçılarına  da müalicə xidmətlərinin göstəriləcəyini qeyd edən nazir müavini diqqətə çatdırıb ki, müəssisədə avadanlıqlar, tibbi və reabilitasiya aparatları da yenilənib.

Qeyd olunub ki, 2 korpus, köməkçi bina, qazanxana, su anbarı, elektrik  yarımstansiyasından ibarət olan Pansionatda yenidənqrma işləri çərçivəsində çarpayı sayı da artırılıb. Hazırda 188 çarpayı sayı olan müəssisədə ildə 4500-dən çox şəxsə müalicə xidməti göstəriləcək.  Burada laboratoriya, ultrasəs, elektrokardioqrafiya müayinələri aparılmaqla, effektiv təsirə malik fizioterapevtik müalicə prosedurları tətbiq ediləcək, müalicəvi bədən tərbiyəsi işi aparılacaq. Terapevt, nevropatoloq, kardioloq, stomatoloq, uroloq, endokrinoloq, epidemioloq və b. ibarət həkim personalı çalışacaq. Pansionatda inzibati-idarəetmə heyəti, qəbul və qeydiyyat, tibbi-sosial reabilitasiya və sanator-kurort müalicə şöbələri, mədəni istirahət bölməsi və s. fəaliyyət göstərir. Müalicə işlərində müasir metodika və texnologiyalardan istifadə olunacaq və həmçinin qabaqcıl təcrübələrin öyrənilməsi əsasında müalicə metodları hazırlanıb tətbiq ediləcək. Müəssisədəki şəraitin əlilliyin olan şəxslərə müyəssərliyi də təmin edilib və burada fiziki məhdudiyyətli şəxslərin hərəkət imkanları üçün maneəsiz şərait mövcuddur.

Tədbirdə digər çıxış edənlər ölkəmizdə bərpa müalicəsi sisteminin təkmilləşdirilməsinin və həsas qrupların bərpa müalicəsi imkanlarının genişləndirilməsinin ölkəmizdə aparılan güclü sosial siyasətin, həssas qruplara göstərilən diqqət və qayğının növbəti göstəricisi olduğunu vurğulayıblar.

 
 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 142 dəfə oxunub




Flag Counter






» 12/12/2019- Ulu öndər Heydər Əliyevin xatirəsi ehtiramla yad olunur

» 12/12/2019- Xəbərin Başlığı

» 10/12/2019- Müharibə və 20 Yanvar əlillərinə, I dərəcə əlilliyi olan şəxslərə Prezident təqaüdünün təyinatı elektronlaşdırıldı

» 10/12/2019- Ombudsman 10 dekabr - Beynəlxalq İnsan Hüquqları Günü münasibətilə tədbir keçirib

» 04/12/2019- Əlilliyi olan şəxslərin hüquqlarının qorunmasında Ombudsman təsisatının rolu mövzusunda tədbir keçirilib

» 3/12/2019- Əlilliyi olan şəxslərin VIII Ümumrespublika Bədii Yaradıcılıq Baxış-müsabiqəsi qaliblərinin Qala konserti olub

» 3/12/2019- “Əlilliyi olan şəxslərin iştirakının və onların liderliyinin təşviq edilməsi: 2030 Davamlı İnkişaf Gündəliyi ilə əlaqədar tədbirlərin həyata keçirilməsi”

» 2/12/2019- Azərbaycanda əlilliyi olan şəxslərin sosial müdafiəsi və tibbi-sosial reabilitasiyası dövlətin sosial siyasətinin mühüm tərkib hissəsidir

» 2/12/2019- Əhalinin sosial müdafiəsinin yaxşılaşdırılmasına dair əlavə tədbirlər haqqında Azərbaycan Respublikası Prezidentinin Sərəncamı

» 2/12/2019- Əlilliyi olan şəxslərin VIII Ümumrespublika Bədii Yaradıcılıq Baxış-müsabiqəsinin qalibləri müəyyən olunub

» 30/11/2019- Prezident Administrasiyasında QHT ilə iş və kommunikasiya şöbəsi yaradılıb

» 30/11/2019- Əmək və Əhalinin Sosial Müdafiəsi Nazirliyi və Baş Prokurorluğun mətbuat xidmətlərinin məlumatı

» 29/11/2019- Pensiya məsələləri ilə bağlı son günlər sosial şəbəkələrdə səslənən əsassız ittihamlara Əmək və Əhalinin Sosial Müdafiəsi Nazirliyinin cavabı

» 29/11/2019- BMT-nin İnkişaf Proqramının Azərbaycanda Akselerator Laboratoriyasının açılışı olmuşdur.

» 28/11/2019- “Nəsimi” bədii filminin eşitmə və nitq qabiliyyəti olmayan şəxslər üçün surdotərcümə versiyası

» 22/11/2019- Əlilliyi olan şəxslər və şəhid ailələrinin mənzil təminatı ilə bağlı tədbirlər haqqında Azərbaycan Respublikası Prezidentinin Sərəncamı

» 22/11/2019- Əmək və Əhalinin Sosial Müdafiəsi Nazirliyinin Mərdəkan Müalicə Pansionatı istifadəyə verildi

» 20/11/2019- Şura 18 dövlət orqanı və digər qurumlarla birgə qrant müsabiqələri elan edir

» 20/11/2019- 20 noyabr BMT-nin Uşaq hüquqları haqqında Konvensiyasının qəbul olunmasının 30 illiyidir

» 13/11/2019- Bakıda Beynəlxalq Paralimpiya Komitəsinin 30 illiyi münasibətilə “Yenilməzlər” adlı beynəlxalq qala tədbir keçirilib