XƏBƏRLƏR
- 1/12/2022 QHT Agentliyinin dəstəyilə uşaq inkişaf mütəxəssisləri üçün maarifləndirmə tədbiri təşkil olunub
- - Əlilliyi olan insanların mövcud problemləri və onların həlli yolları"
- - GÜLƏN ÇOCUQ FESTİVALI
- - "İnkluziv ədalət” regionlarda
- - İnkluziv ədalət
- - Əlilliyi olan şəxslərin məşğulluğunun təmini
- - “Layihə Univerisiteti”nin təlimi davam edir
- - “Əlilliyi olan şəxslərin reabilitasiyası və sosial müdafiəsi: problemlər və perspektivlər”
- - Özünüməşğulluq proqramı çərçivəsində yaradılan ailə təsərrüfatları ölkədə kiçik ailə biznesinin genişlənməsinə şərait yaradıb (VİDEO)
- - Beynəlxalq Qramaski Təşkilatının və “Zaparoji Kazakları”-nın (BGT ZK) Ali Məclisinin Konkfansı
- - Sosial Xidmətlər Agentliyi
- - "Xəstəlik, əlillik və ya ahıllıqla əlaqədar özünəqulluq qabiliyyəti olmayan şəxslərə qulluq və kömək göstərə biləcək qohumların olmamasının müəyyən edilməsi Qaydası"nın təsdiq edilməsi barədə
Mətbuat xidmətiQHT Agentliyinin dəstəyilə uşaq inkişaf mütəxəssisləri
üçün maarifləndirmə tədbiri təşkil olunub
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin “İnklüziv Cəmiyyət Naminə” Əlilliyi olan Şəxslərə Dəstək İctimai Birliyi tərəfindən icra edilən “Sosial-psixoloji və loqopedik xidmətlərə ehtiyacı olan uşaqların reabilitasiyasına dəstək” layihəsi üzrə yekun maarifləndirmə tədbiri keçirilib.
Abşeron rayonunun Xırdalan şəhərində fəaliyyət göstərən “Kompas” Uşaq İnkişaf və Tədris Mərkəzində təşkil edilmiş həmin tədbir “Sosial-psixoloji və loqopedik xidmətlərə ehtiyacı olan uşaqların reabilitasiyası və inklüziyasında mütəxəssislərin rolu” mövzusuna həsr olunub.
Birliyin sədri, layihə rəhbəri Ramilə Mahmudova sosial əhəmiyyətli layihənin icrasına maliyyə yardımı ayırdığına görə bir daha Qeyri-Hökumət Təşkilatlarına Dövlət Dəstəyi Agentliyinə, göstərdikləri mənəvi dəstəyə görə isə Abşeron Rayon İcra Hakimiyyətinə və Abşeron-Xızı Regional Təhsil İdarəsinə benefisiarlar adından təşəkkürünü bildirib.
Daha sonra tədbirə təlimçi olaraq dəvət olunmuş qardaş Türkiyədə uşaq inkişaf mütəxəssisi kimi fəaliyyət göstərən peşəkar korreksiyaedici pedaqoq - loqoped Şəfəq Məmmədova və Azərbaycan Dövlət Pedaqoji Universitetinin nəzdində Azərbaycan Dövlət Pedaqoji Kollecinin Pedaqogika-psixologiya fənn birləşmə komissiyasının müəllimi, psixoloq-loqoped Ləman Rəfiyeva tərəfindən xüsusi ehtiyaclı uşaqların diaqnostikası, psixoloji-pedaqoji korreksiyası və sosial inklüziyası məsələlərinə həsr olunmuş təqdimatlar edilib.
Müzakirələr zamanı böyük minnətdarlıq hissi ilə qeyd olunub ki, bu qəbildən olan uşaqların sosial-hüquqi müdafiəsi, psixoloji-pedaqoji və sosial reabilitasiyası məsələlərinin həlli daim ölkə Prezidenti cənab İlham Əliyevin və Birinci vitse-prezident, Heydər Əliyev Fondunun prezidenti xanım Mehriban Əliyevanın nəzarətindədir.
Tədbirdə iştirak edən mütəxəssislər “Kompas” Uşaq İnkişaf və Tədris Mərkəzinin fəaliyyəti ilə yaxından tanış olaraq həyata keçirilən layihəyə çərçivəsində göstərilən xidmət səviyyəsini yüksək qiymətləndiriblər.
Bununla belə uşaqların asudə vaxtlarının səmərəli təşkili, o cümlədən digər həmyaşıdları ilə ünsiyyətdə olaraq açıq havada gəzməsi, birlikdə qaçıb oynaması, təmiz hava alması, müntəzəm şəkildə idmanla məşğul olması üçün ərazidə yaşıllıq zonasının, təhlükəsiz oyun və idman meydançasının yaradılmasına böyük ehtiyac olduğu vurğulanıb və səmərəli təkliflər irəli sürülüb.
Birliyin sədri tərəfindən qeyd olunan məsələnin həlli ilə bağlı yaxın günlərdə yerli icra hakimiyyətinə və bələdiyyəyə müraciət ediləcəyi tədbir iştirakçılarının diqqətinə çatdırılıb və hər zaman olduğu kimi mənəvi dəstək göstəriləcəyinə əminlik ifadə olunub.
Sonda iştirakçılara tədbirdə fəal iştirak etdiklərinə görə sertifikatlar təqdim olunub.
Mətbuat xidməti
Əlil Təşkilatları İttifaqı
Bu xəbər 369 dəfə oxunub