ƏSAS XƏBƏRLƏR
XƏBƏRLƏR
- 2/5/2013 Ümummilli lider Heydər Əliyevin əlillərə qayğısı yüksək humanizm nümunəsidir
Ümummilli lider Heydər Əliyevin 90 illik yubileyi ilə bağlı olaraq, mayın 2-də Əmək və Əhalinin Sosial Müdafiəsi Nazirliyində vətəndaş cəmiyyətləri ilə birlikdə «Əlillərin sosial müdafiəsi sahəsində həyata keçirilən dövlət siyasəti və qarşıda duran məsələlər» mövzusunda dəyirmi masa keçirilib.
Dəyirmi masada nazirliyin Əlillərin sosial müdafiəsi siyasəti şöbəsinin müdiri Vüqar Həsənov, Sosial Hüquqların Araşdırılması ictimai birliyinin sədri, professor Mayis Əliyev, Əlil Təşkilatları İttifaqının prezidenti Davud RƏHİMLİ, Qarabağ Müharibəsi Əlilləri, Veteranları və Şəhid Ailələri İctiмai Birliyinin sədri Mehdi Mehdiyev, Sumqayıt Əlillərin Bərpa Mərkəzinin direktoru Şaban Eyvazov və digər əlil birliklərinin rəhbərləri Ümummilli lider Heydər Əliyevin ölkə əlillərinin sosial müdafiəsinin gücləndirilməsi sahəsində misilisz xidmətlərindən söz açıblar.
- 24/4/2013 “Hamı üçün bərabər imkanlar - “Əlilliyi olan insanların təhsil hüquqları”
Azərbaycan Respublikası Əlil Təşkilatları İttifaqı (ƏTİ) "Dünyaya Baxış" beynəlxalq hümanitar təşkilatının dəstəyi ilə "Əlilliyi olan insanların həyatında müsbət dəyişiklik" layihəsini həyata keçirir. Layihənin ümumi məramı əlilliyi olan insanlar üçün sosial və hüquqi şəraitin yaxşılaşdırılmasıdır. Bu layihə Əmək və Əhalinin Sosial Müdafiəsi Nazirliyi yanında işçi qrupu ilə işin aparılması, ictimai tədbirlərin həyata keçirilməsi, BMT-nin "Əlilliyi olan insanların hüquqları haqqında" Konvensiyadan irəli gələn hüquqi islahatların həyata keçirilməsinə tövhənin verilməsi nəzərdə tutulur. Fəaliyyət planına uyğun olaraq 24 aprel 2013-cü il tarixdə Lənkəran şəhərində
“Hamı üçün bərabər imkanlar - “Əlilliyi olan insanların təhsil hüquqları”
mövzusunda dəyirmi masa keçirilmişdir.
- 16/4/2013 17 aprel Ümumdünya Hemofiliya günüdür.
Hemofiliyalı Xəstələrin Respublika Assosiasiyası 16 aprel 2013-cü il tarixdə Ümumdünya Hemofiliya günü ilə əlaqədar tədbir təşkil etmişdir. Assosiasiyanın sədri Gülnarə Hüseynova tədbir iştirakçılarına hemofiliya, problemlər və görülən işlər barədə ətraflı məlumat vermiş, film nümayiş olunmuşdur.
Tədbirdə Səhiyyə Nazirliyi Elmi-Praktik Hemofiliya Mərkəzinin rəhbəri Elmira Qədimova, Ailə, Qadın və Uşaq Problemləri üzrə Dövlət Komitəsinin şöbə müdiri Cəmilə Bağırova , Azərbaycan Respublikası İnsan Hüquqları Müvəkkili (Ombudsman) aparatının əməkdaşı Yeganə Cəfərova , Milli QHT Forumunun idarə heyətinin sədrinin müavini Qorxmaz İbrahimli, Əlil Təşkilatları İttifaqının prezidenti Davud RƏHİMLİ, Sosia Hüquqların Araşdırılması ictimai birliyinin sədri, BDU-nun professoru Mayis Əliyev, Azərbaycan Diabet Liqasının sədri Yeganə Sultanova çıxış etmişlər.
Hemofiliyalı xəstələr üçün maraqlı konsert və əyləncə proqramı nümayiş olunmuşdur.
- 10/4/2013 Sosial xidmətlər sahəsində gələcək fəaliyyət istiqamətləri müəyyən olunub
 10 aprel 2013-cü il tarixində Əmək və Əhalinin Sosial Müdafiəsi Nazirliyində xüsusi qayğıya ehtiyacı olan uşaqlar üçün sosial xidmətlərin göstərilməsi sahəsində gələcək fəaliyyət istiqamətlərinin müzakirəsi məqsədilə müvafiq sahədə ixtisaslaşmış QHT-lərlə görüş keçirilmişdir. Görüşü giriş sözü ilə açan nazir Fizuli Ələkbərov möhtərəm Prezidentimiz cənab İlham Əliyevin 14 mart 2012-ci il tarixli Fərmanı ilə tətbiqinə başlanılan «Sosial xidmət haqqında» Azərbaycan Respublikası Qanununun sosial xidmətlərin çeşidinin artmasında, sosial xidmət göstəriləcək əhali kateqoriyalarının əhatə dairəsinin və bu sahədə hökumət və ixtisaslaşmış qeyri-hökumət təşkilatları, fiziki və hüquqi şəxslərlə əməkdaşlıq imkanlarının genişlənməsində mühüm rol oynadığını qeyd edib. |
- 9/4/2013 “Əlil İnsanlar Üçün Bu Biznes İnkuluzivi Dəstəkləyir” layihəsi
“Əlillərin Beynəlxalq Əməkdaşlığı Uğurunda” (ƏBƏU) cəmiyyəti Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəsdəyi ilə həyata keçirdiyi “Əlil İnsanlar Üçün Bu Biznes İnkuluzivi Dəstəkləyir” layihəsini həyata keçirməyə başlamışdır. Layihənin məqsədi əlilliyi olan gənclər arasında peşə bacarıqlarının inkişaf etdirilməsi, baza biliklərin formalaşdırılması və bu istiqamətdə maarifləndirmə işlərinin aparılmasıdır.
- 9/4/2013 Müharibə əlilləri və şəhid ailələrinin «Elektron Azərbaycan» Hökumətinin onlayn kargüzarlıq xidmətlərindən istifadəsinə ictimai dəstək layihəsini
RESS - RELİZ № 01
Azərbaycan Respublikası «Beynəlmiləlçi Əlil Döyüşçülər» Fondu, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının malıyyə dəstəyi ilə, 05 aprel 2013 – cü il tarixindən – 05 avqust 2013-cü il tarıxinə kimi, Müharibə əlilləri və şəhid ailələrinin «Elektron Azərbaycan» Hökumətinin onlayn kargüzarlıq xidmətlərindən istifadəsinə ictimai dəstək layihəsini həyata keçirdəcəkdir.
- 2/4/2013 2 aprel Ümumdünya Autizmi Məlumatlandırma Günüdür.
2 aprel Ümumdünya Autizmi Məlumatlandırma Günü BMT-nin 18 dekabr 2007-ci il 62/139 qərarı ilə Qatar dövlətinin təklifi əsasında təsis olunmuşdur.
XXI əsrin psixoloji problemi olan “Autizm” qlobal olaraq ölkəmizdə də həlli vacib problem sayılır. 02.04.2013-cü il tarixdə “Autizm” Defektoloji və Psixoloji Yardım Mərkəzi İctimai Birliyində bu münasibətlə tədbir təşkil olunmuşdur. Tədbiri giriş sözü ilə mərkəzin sədri Çiçək xanım MƏMMƏDLI açmışdır.
- 2/4/2013 “Xüsusi qayğıya ehtiyacı olan uşaq və gənclərin sosial adaptasiyası” mövzusunda treninq – seminar
“Oriqami” Uşaq və Yeniyetmələr İctimai Birliyi Azərbaycan Respublikası Gənclər və İdman Nazirliyinin maliyyə dəstəyi ilə xüsusi qayğıya ehtiyacı olan uşaq və gənclərin cəmiyyətə inteqrasiyası istiqamətində “Xüsusi qayğıya ehtiyacı olan uşaq və gənclərin sosial adaptasiyası” problemlərinin müzakirəsinə həsr olunmuş 3 günlük treninq – seminar təşkil etmişdir.
Treninq - seminar 27-29 mart 2013-cü il tarixində Heydər Əliyev Fondu və Rusiya Federasiyasının “UralSib” Maliyyə Korporasiyası tərəfindən Suraxanı rayonunda xüsusi qayğıya ehtiyacı olan uşaqlar üçün inşa olunmuş yeni Reabilitasiya Mərkəzində keçirilmişdir.
- 30/3/2013 Azərbaycan Respublikası Əlil Təşkilatları İttifaqının (ƏTİ) idarə heyətinin növbəti iclası keçirilmişdir.
Azərbaycan Respublikası Əlil Təşkilatları İttifaqının (ƏTİ) idarə heyətinin növbəti iclası keçirilmişdir. Gündəlikdə ƏTİ-nin növbəti ümumi yığıncağının keçirilməsi və bundan irəli gələn təşkilati məsələlərə baxılmışdır. Ümumi yığıncağın may ayının 4-də Qəbələ şəhərində, İttifaqın Regional Resurs Mərkəzində keçirilməsi nəzərdə tutulmuşdur. Beynəlxalq tətbirlərdə iştirak, Yeni üzvlərin qəbulu, cari məsələlərə baxılmışdır.
- 29/3/2013 2 aprel Dünya Autizmi Məlumatlandırma Günüdür.
2 aprel Dünya Autizmi Məlumatlandırma Günü BMT-nin 18 dekabr 2007-ci il 62/139 qərarı ilə Qatar dövlətinin təklifi əsasında təsis olunmuşdur.
XXI əsrin psixoloji problemi olan “Autizm”qlobal olaraq ölkəmizdə də həlli vacib problem sayılır. Məlumunuz olsun ki, 2 APREL “ÜMUMDÜNYA AUTİZM MƏLUMATLANDIRMA GÜNÜ” KİMİ QEYD EDİLİR. Sizi 02.04.2013-cü il tarixdə Autizm İctimai Birliyi millətimiz üçün də ən önəmli problemlərdən biri AUTİZM MƏLUMATLANDIRMA tədbirinə dəvət edirik.
- 29/3/2013 Azərbaycan Respublikası Səhiyyə Nazirliyi və Gənclər və İdman Nazirliyinin dəstəyi ilə Hemofiliyalı xəstələr üçün keçirilən növbəti təlimlər başa çatmışdır.
Novo Nordisk Hemofiliya Fondunun maliyyələşdirdiyi Regionlarda hemofiliyaya dair diaqnostika sahəsində potensialın möhkəmlənməsi və pasientlərin maarifləndirməsi vasitəsi ilə hemofiliyalı xəstələrə qayğının desentralizasiyası layihəsinin həyata keçirilməsində Gənclər və İdman Nazirliyinində töhvəsi var.
- 21/3/2013 Birləşmiş Millətlər Təşkilatının, 10 Noyabr 2011-ci il tarixli qərarı ilə 21 mart,'' Dünya Down Sindromu Günü'' olaraq tanıdı.
Bu sindrom 1866-cı ildən məlumdur. İngilis həkimi Lanqdan Daun xarakter xüsusiyyəti olan bu xəstəliyi bir qız uşağında müşahidə edib və onu "monqolizm" adlandırıb. Ancaq asiyalı alimlərin xəstəliyin "monqolizm" adlandırılmasına təpgisindən sonra bu xəstəlik onu kəşf edən alimin şərəfinə "Daun sindromu" adını alıb. Bu uşaqlar bir-birlərinə oxşayır, stereotipləri eyni olur.
- 15/3/2013 Bakıda əlilliyi olan şəxslərin tibbi-sosial ekspertizası və reabilitasiyası ilə bağlı beynəlxalq seminar keçirilmişdir
15 mart 2013-cü il tarixdə Bakıda Azərbaycan Respublikası Əmək və Əhalinin Sosial Müdafiəsi Nazirliyi və Avropa İttifaqının TAİEX proqramının təşkilatçılığı ilə Bakıda «Əlilliyi olan şəxslərin tibbi-sosial ekspertizası və reabilitasiyası, qabaqcıl Avropa təcrübəsi və Azərbaycan üçün yeni çağırışlar» mövzusunda beynəlxalq seminar başlayıb.
Seminarda Əmək və Əhalinin Sosial Müdafiəsi Nazirliyinin, beynəlxalq təşkilatların və vətəndaş cəmiyyətlərinin nümayəndələri: Əlil Təşkilatları İttifaqının prezidenti Davud RƏHİMLİ, Sozial Hüquqların Araşdırılması ictimai birliyinin sədri Mayis Əliyev, anaşı üç Avropa ölkəsindən olan beynəlxalq ekspertlər - Fransa Respublikası Əlil şəxslərin sosial siyasəti regional bölməsinin şöbə rəisi Brigitte Lacroix Coquil, Litvanın Sosial Təhlükəsizlik və Əmək Nazirliyinin nəzdində fəaliyyət göstərən Əlillik və Əmək Qabiliyyətinin Qiymətləndirilməsi dövlət ofisinin rəhbəri Zdislavas Skvarciany və Almaniyanın Əmək və Sosial İşlər Federal Nazirliyinin nümayəndəsi Joachim Zveig, iştirak edirlər.
- 2/3/2013 "Əlilliyi olan insanların həyatında müsbət dəyişiklik" layihəsi əsasıında layihə təkliflərinin verilməsi və təqdimatı tədbiri keçirilmişdir.
Azərbaycan Respublikası Əlil Təşkilatları İttifaqı (ƏTİ) "Dünyaya Baxış" beynəlxalq hümanitar təşkilatının dəstəyi ilə "Əlilliyi olan insanların həyatında müsbət dəyişiklik" layihəsi əsasıında keçirılmış təlimlərə görə layihə təkliflərinin verilməsi və təqdimatı tədbiri keçirilmişdir. Tədbirdə təlimlərdə iştirak etmiş 10 təşkilatın nümayəndəsi, Əlil Təşkilatları İttifaqının prezidenti Davud RƏHİMLİ və World Vision beynəlxalq hümanitar təşkilatının layihə rəhbəri Vüqar Əhmədov iştirak etmişlər.
- 26/2/2013 25 Fevral 2013-cü ildə "Oriqami" Reabilitasiya Mərkəzində ''Xocalı Harayı '' adlı uşaq və gənclərin yaradıcılıq müsabiqəsi keçirilmişdir.
25 Fevral 2013-cü ildə "Oriqami" Reabilitasiya Mərkəzində ''Xocalı Harayı '' adlı uşaq və gənclərin yaradıcılıq müsabiqəsi keçirilmişdir. Tədbirdə Suraxanı rayon icra hakimiyyətinin başçısı İcra Hakimiyyətinin başçısı İlqar Abbasov, rayon təşkilatlarının rəhbərləri, Ombudsman Aparatı, Ailə, Qadın və Uşaq Problemləri üzrə Dövlət Komitəsi, Ekologiya və Təbii Sərvətlər Nazirliyi, Əlil Təşkilatları İttifaqı ( Davud Rəhimli ) əlilliyi olan uşaqlar və onların valideynləri iştirak etmişlər. Müsabiqə iştirakçılarına hədiyyələr təqdim olunmuşdur.
1.jpg)
