Əlil Təşkilatları İttifaqı Böyük qələbə münasibətilə Ali Baş Komandan, Prezident İlham Əliyevə təbrik məktubu ünvanlayıb.


Azərbaycan Respublikasının Prezidenti,

Ali Baş Komandan Zati-aliləri

İlham Əliyev cənablarına

 

Möhtərəm cənab Prezident, Cənab Ali Baş Komandan!

     Ümummili lider Heydər Əliyevin əsasını qoyduğu və tərəfinizdən uğurla davam etdirilən uzaqgörən siyasət nəticəsində Azərbaycan uğurla inkişaf edir. Mükəmməl strategiyaya əsaslanan bu inkişafın  istiqamətləri çoxsahəli olmaqla vahid bir amala xidmət edir.

     Azərbaycanın iqtisadi, hərbi, sosial, beynəlxalq əməkdaşlıq, hümanitar sahələrdə inkişafının memarı olmaqla bərabər xalqımızın yüksək etimadını qazanan Prezidentimizsiniz. İqtisadi, siyasi sabitliyin, xalq ilə dövlətin birliyinin və vətəndaş rifahının təmin olunması fəaliyyətinizin ana xətti və təcəssümüdür.

     Azərbaycanın işğal olunmuş torpaqlarının azad olunması, ərazi bütövlüyünün bərqərar edilməsi ali məramınız və məqsədinizdir. Buna görə çox dəqiq strategiya əsasında hazırlıqlar olmuş, çoxsahəli uğurlu fəaliyyətlər həyata keçirilmişdir.

     Bu ilin sentyabr ayının 27-də işğalçı Ermənistan ordusunun növbəti dəfə hərbi əməliyyatlara başlamasından sonra Ali Baş Komandan kimi əks-hücum əmrinizdən sonra Şanlı Azərbaycan Ordusu qısa zaman kəsiyində qəhrəmanlıq göstərərək işğal altında olan ərazilərimizin böyük hissəsini azad etdi.

     Vətənimizin hər bir qarışı bizim üçün əziz və dəyərlidir. Azərbaycan xalqı hər gün səbirsizliklə Sizin xalqa müraciətlərinizi gözləyərək ordumuzun zəfərlərini  böyük ruh yüksəkliyi ilə qeyd edirdi.  “Şuşa Azərbaycanın və bütün Qafqazın incisidir” və  “Əlbəttə ki, Şuşasız bizim işimiz yarımçıq olar” fikirləriniz xalq tərəfindən böyük rəğbətlə qarşılandı. Noyabrın 8-də Müzəffər Azərbaycan Ordusu tərəfindən 28 il 6 ay düşmən işğalı altında olmuş Şuşanın azad olunması müjdəniz xalq tərəfindən çox böyük coşqu və atəşfəşanlıqla qarşılandı.

         Noyabrın 10-da Böyük qələbə sazişinin imzalanması ilə Azərbaycanın qalibiyyətini, işğalçı Ermənistanın isə məğlubiyyətini elan etdiniz. Sizin  gərgin fəaliyyətiniz,  Şanlı Azərbaycan Ordusunun yenilməzliyi ilə 30 illik Vətən həsrətinə son qoyuldu.

     Azərbaycanlı olması ilə həmişə fəxr edən Ümumilli Liderimiz HEYDƏR ƏLİYEVİN, şəhidlərimizin ruhu şad oldu.

Möhtərəm Prezidentimiz, Cənab Ali Baş Komandan.

 Əlil Təşkilatları İttifaqı, üzv təşkilatlar və əlilliyi olan insanlarımız daim Sizin yanınızda olmaqla, apardığınız uğurlu daxili və xarici siyasəti dəstəkləyir və mümkün tövhəmizi verməyə çalışırıq.

     Vətən müharibəsində möhtəşəm qələbə münasibəti ilə Sizi və şəxsinizdə bütün Azərbaycan xalqını təbrik edirik! 

Sizə, ailənizə can sağlığı arzulayır, Azərbaycanımızın daha da inkişafı yolunda yeni uğurlar arzulayırıq!

 

Yaşasın Azərbaycan!

Yaşasın Ali Baş Komandan!

Yaşasın müzəffər Azərbaycan Ordusu!

Qarabağ Azərbaycandır!

 

 

Dərin hörmətlə,

Davud RƏHİMLİ

Əlil Təşkilatları İttifaqının (ƏTİ)

Prezidenti

 

 

 

Əlil Təşkilatları İttifaqının 42 üzv təşkilatı.

Siyahı əlavə olunur.    




Tarix:11/11/2020     udpo.az saytı Geri