16 İyun 2021-ci il

Əsas Səhifə Webmail


XƏBƏRLƏR

11px13px15px17px
15/12/2017 HXRA - 20 il


Bakı, 15 dekabr, AZƏRTAC

Qan deyəndə müharibə, yaddaş, qohumluq əlaqələri, hərdən də xəstələr yada düşür. Hemofiliya qanda laxtalanmanın olmaması xəstəliyidir. Hazırda dünyada həmin xəstəlikdən əziyyət çəkən 400 mindən çox xəstə var. Ölkəmizdə isə hazırda 1548 nəfər hemofiliya xəstəsi kimi qeydiyyata düşüb.

AZƏRTAC xəbər verir ki, bu barədə Hemofiliyalı Xəstələrin Respublika Assosiasiyasının 20 illiyi münasibətilə keçirilən hesabat konfransında ətraflı söhbət gedib. Konfransı assosiasiyanın ictimaiyyətlə əlaqələr üzrə əlaqələndiricisi Vüqar Tarıverdiyev açaraq keçilmiş yolun ayrı-ayrı mərhələləri, qarşıya çıxan problemlər, onların dəf olma mexanizmi, əldə edilən uğurlar barədə məlumat verib.

Assosiasiyanın sədri Gülnarə Hüseynova "Azərbaycanda hemofiliyanın tarixi" barədə məruzə ilə çıxış edib. O, ötən əsrin 70-ci illərində yaşadığı ailənin üzləşdiyi bu problemin 80-ci illərin axırlarında özünün həyatında təzədən təkrar olunduğunu, həmin xəstəliyin məhrumiyyətləri, o vaxt bu sahədə kifayət qədər məlumat və bilginin olmaması, müalicə çətinliyi barədə danışıb və bütün bunların hemofiliya xəstəliyindən əziyyət çəkənlərə kömək etmək məqsədilə assosiasiya yaradılmasına gətirib çıxardığını söyləyib. O, “krallar xəstəliyi” adlandırılan hemofiliyanın yaratdığı fəsadlar, xəstələrin dərmanla təminatı, Gəncə və Şirvan şəhərlərində regional mərkəzlərin yaradılması, ölkəmizin 44 rayon və şəhərində mərkəzi xəstəxanalarda çoxprofilli tibb işçiləri üçün keçirilən seminarlardan, xarici ölkələrə ezamiyyətlərdən və xaricdən dəvət edilən mütəxəssislərin xəstələrə göstərdiyi tibbi xidmətdən bəhs edib. Sonra o, tədbir iştirakçılarını İctimai Televiziyanın hemofiliyalı xəstələr haqqında çəkdiyi filmə baxmağa dəvət edib.

Filmin nümayişindən sonra çıxış edən Hemofiliyalı Xəstələr Assosiasiyasının icraçı direktoru Ayaz Hüseynov "Hemofiliya: dünən, bu gün və sabah" mövzusunda məruzə edib. Məruzədə qeyd olunub ki, son 20 ildə hemofiliyalı xəstələr ilə əlaqədar 582 dəfə Səhiyyə Nazirliyinə müraciət edilib, xarici ölkələrdən 38 mütəxəssis dəvət olunub. Həmin müddətdə 45 rayonda hemofiliya xəstəsi olan 785 ailəyə baş çəkilib, xəstələr üçün 223 müxtəlif teatr, konsert, ekskursiya, idman yarışı və digər mədəni tədbirlər təşkil edilib. Onun verdiyi məlumata görə, 63 rayonda irsi qan xəstəlikləri kabinəsi yaradılıb.

“Biz qocalırıq, xəstəliklər isə cavanlaşır”, - deyə çıxışına başlayan Azərbaycan Respublikasının insan hüquqları üzrə müvəkkili Elmira Süleymanova 20 il ərzində assosiasiyanın göstərdiyi fəaliyyəti müsbət qiymətləndirib və bu sahədə dövlət qayğısından danışıb. O, yeni qəbul olunan “İnklüziv təhsil haqqında” Qanunun bu sahədə çox mühüm yenilik və dövlət qayğısı olduğunu söyləyərək deyib: “Bu gün arabada gəzən hemofiliya xəstəsi də özünü xoşbəxt hesab edə bilər, çünki onun ətrafında biz varıq, onu qayğı ilə əhatə edən cəmiyyət var”.

Sonra o, təmsil etdiyi təşkilat adından assosiasiyanın sədri Gülnarə Hüseynovaya Fəxri Fərman və xatirə medalı təqdim edib.

  

Daha sonra konfransda “İrəli” Gənclər İctimai Birliyinin sədri Mirhəsən Seyidov, Hemofiliyalı Xəstələr Assosiasiyasının sosial məsələlər üzrə əlaqələndiricisi Nurəddin Abdullayev, Əlil Təşkilatları İttifaqının prezidenti Davud Rəhimli  və valideyn Vüsalə Əkbərova çıxış edərək xəstəlikdən əziyyətə çəkənlərə donor xidmətindən, bu sahədə vacib olan qanvermə aksiyalarının keçirilməsinin vacibliyindən, habelə onları digər qayğı ilə əhatə etməyin vacibliyindən danışıblar.



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 1876 dəfə oxunub




Flag Counter






» 16/6/2021- “İstedadlı Əlilər” İctimai Birliyinin yeni sədri seçilib.

» 15/6/2021- Azərbaycan və Türkiyə prezidentləri mətbuata birgə bəyanatlarla çıxış ediblər

» 15/6/2021- Şuşada Heydər Əliyev Fondunun təşkilatçılığı ilə “Musiqi irsi və Qarabağ atları Cıdır düzündə” adlı musiqili kompozisiya təqdim edilib.

» 15/6/2021- Azərbaycan Respublikası ilə Türkiyə Respublikası arasında müttəfiqlik münasibətləri haqqında Şuşa Bəyannaməsi

» 15/6/2021- QARABAĞ AZƏRBAYCANDIR!

» 15/6/2021- QARABAĞ AZƏRBAYCANDIR!

» 15/6/2021- Nəyə görə 1993-cü il iyunun 15-ni Qurtuluş Günü adlandırırıq?

» 12/6/2021- Bakı Olimpiya Stadionunda Avropa çempionatının final mərhələsinin Uels-İsveçrə matçı keçirilib Prezident İlham Əliyev və birinci xanım Mehriban Əliyeva oyuna baxıblar

» 11/6/2021- Milli Məclisin növbədənkənar sessiyasının növbəti iclası keçirilib

» 11/6/2021- Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının növbəti iclası keçirilib.

» 10/6/2021- “Məşğulluq marafonu”na həsr olunmuş mətbuat konfransı keçirilib

» 8/6/2021- Yanvar-may aylarında əlilliyi olan şəxslərə 18 minə yaxın reabilitasiya vasitəsi verilib

» 7/6/2021- Dövlət Tibbi-Sosial Ekspertiza və Reabilitasiya Agentliyinin məlumatı Saxta əlilliyi ifşa olunan “müharibə əlili”nin həkim-ekspert qadını döyməsi ilə bağlı hüquq mühafizə orqanlarına müraciət edilib – VİDEO, FOTO

» 4/6/2021- Azərbaycan Əlil Təşkilatları İttifaqı adından Kəlbəcərdə mina partlaması nəticəsində həlak olanlarla bağlı Bəyanat

» 4/6/2021- QARABAĞ AZƏRBAYCANDIR!

» 4/6/2021- Əlilliyin qiymətləndirilməsində yeni meyarlar

» 3/6/2021- Əyani müayinə zamanı daha 21 şəxsdən 9-nun sağlamlıq durumunun əlillik təyinatına əsas yaratmadığı aşkar edildi

» 1/6/2021- Uşaqların Beynəlxalq Müdafiəsi Günü ilə əlaqədar sağlamlıq imkanları məhdud uşaqlar üçün sosial xidmət müəssisələrində tədbirlər keçirilib.

» 1/6/2021- Milli QHT Forumunun X Qurultayı ilə əlaqədar olaraq MQF İdarə Heyətinin qərarı

» 1/6/2021- Uşaqların müdafiəsi ölkəmizdə dövlət siyasətinin əsas istiqamətlərindən biridir