07 Dekabr 2022-ci il

Əsas Səhifə Webmail


XƏBƏRLƏR

11px13px15px17px
28/11/2018 Şura ictimai dinləmə keçirilib.


Noyabrın 28-də Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının təşkilatçılığı ilə Şuranın yeni elektron xidmətlərinin tətbiqi ilə bağlı ictimai dinləmə keçirilib.
 
QHT.az  xəbər verir ki, Şuranın sədri, Milli Məclisin deputatı Azay Quliyev 450-dən çox QHT və media nümayəndəsinin iştirak etdiyi toplantıda ictimai dinləmənin keçirilməsinin məqsədləri barədə danışaraq deyib: “Bu cür geniş təqdimatın keçirilməsinin əhəmiyyətli səbəbləri var. Bunlardan biri, Şuranın gələn ildən etibarən tətbiq edəcəyi yeniliklərin təqdimatıdır. Belə ki, Şuranın həyata keçirdiyi elektron xidmətlərin keyfiyyətini yaxşılaşdırmaq, istiqamətlərini şaxələndirmək, istifadəçilər üçün daha rahat və əlçatan etmək məqsədilə hazırlanan proqramlar Azərbaycan Respublikasının Prezidenti İlham Əliyevin elektron hökumətin inkişafı və rəqəmsal hökumətə keçidlə bağlı, həmçinin dövlət qurumları tərəfindən göstərilən elektron xidmətlərin təkmilləşdirilməsi ilə əlaqədar imzaladığı fərman və sərəncamları rəhbər tutaraq təqdim edilib. İctimai dinləmənin keçirilməsinin ikinci mühüm şərti QHT-lərin hesabatlıq vəziyyətini müzakirə etməkdir”.
 
Azay Quliyev vurğulayıb ki, ilk dəfə tətbiq olunan bu proqram və elektron xidmətlərin böyük ictimai əhəmiyyəti var. Belə ki, layihələrin vətəndaşlar tərəfindən onlayn qiymətləndirilməsi, müqavilə bağlanması üçün sənədlərin elektron qəbulu və e-növbə xidməti, QHT layihələrinin hesabatlıq vəziyyətinin onlayn müşahidəsi, konsultativ dəstək üzrə onlayn xidmət, apelyasiya komissiyasının iclasında onlayn iştirak kimi proqram və elektron xidmətləri ilk dəfə tətbiq olunacaqlar.
 
Onun sözlərinə görə, tətbiq olunan bu elektron xidmət və proqramlar şuranın fəaliyyətində şəffaflığı daha da artırır, qurumla QHT-lər arasında kommunikasiyanı daha rahat və asan edir, vaxt itkisinin və əlavə resursların cəlb edilməsinin qarşısını alır.
 
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası Katibliyinin icraçı direktoru Fərasət Qurbanov qurumun cari ildə keçirdiyi müsabiqələr çərçivəsində icra olunan layihələrin hesabatlılıq vəziyyətini təhlil edib.
 
O qeyd edib ki, 2018-ci ildə ötən illə müqayisədə xeyli layihə dəstəklənib. 543 layihənin Şura tərəfindən dəstəkləndiyini deyən F.Qurbanov QHT-lərin təqdim etdiyi layihələrin sənədləşməsində müəyyən qüsurların olduğunu da vurğulayıb. Yeni proqramın tətbiqindən sonra haqqında bəhs olunan problemlərin azalacağı proqnozlaşdırılır.
 
Təqdimatdan sonra tədbir iştirakçıları yeniliklərlə bağlı fikir və rəylərini bildirib, QHT təmsilçilərini maraqlandıran suallar cavablandırılıb.
 
 
Davud Rəhimli
 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 1876 dəfə oxunub

Oxşar xəbərlər:





Flag Counter






» 6/12/2022- Milli Xalça Muzeyində “İstedad sərhədsizdir” adlı sərgi açılıb

» 6/12/2022- Dünya Bankının tədbirində ölkəmizdəki dayanıqlı sosial müdafiə sistemi və bu sahədə hədəflərdən bəhs olunub

» 6/12/2022- “İşsizin dostu” proqramında hazırda 7,2 min müharibə veteranı, şəhid ailəsi üzvü, əlilliyi olan şəxs işləyir

» 6/12/2022- Əlilliyi olan şəxslərin məşğulluq imkanları müzakirə olunub

» 5/12/2022- QHT-lər bu halda cərimələnəcək - QANUN LAYİHƏSİ

» 3/12/2022- Qrant müsabiqəsinin qalibləri elan edildi - SİYAHI

» 3/12/2022- QHT.az xəbər verir ki, Azərbaycan Respublikasının Gənclər Fondunun 10-21 oktyabr 2022-ci il tarixlərində keçirdiyi 16-cı qrant müsabiqəsinin qalibləri müəyyən edilib.

» 3/12/2022- 3 dekabr 2022. “İnklüziv inkişaf üçün transformativ həllər: əlçatan və ədalətli dünyanı gücləndirməkdə innovasiyaların rolu”.

» 3/12/2022- QARABAĞ AZƏRBAYCANDIR!

» 2/12/2022- “Azərbaycanda mina partlayışı qurbanlarına yardım” mövzusunda dəyirmi masa keçirilmişdir.

» 1/12/2022- Pensiyaçılar arasında keçirilən “Zəfər turniri”nin final mərhələsi və “İstedadlı pensiyaçı” layihəsinin təqdimatı olub

» 30/11/2022- Avropa İttifaqı "Yerüstü minalarsız Cənubi Qafqaz" regional kampaniyasını dəstəkləyir

» 30/11/2022- QARABAĞ AZƏRBAYCANDIR!

» 1/12/2022- QHT Agentliyinin dəstəyilə uşaq inkişaf mütəxəssisləri üçün maarifləndirmə tədbiri təşkil olunub

» 30/11/2022- "Fiziki-məhdudiyyətli şəxslərin idmanla cəmiyyətə inteqrasiyası" adlı layihə

» 30/11/2022- "Biz Birik - Sağlam və inklüziv həyat" layihəsi çərçivəsində sosial çarx

» 29/11/2022- Sağlamlıq imkanları məhdud uşaq və yeniyetmələrin bilik və bacarıqlarının inkişaf etdirilməsi layihəsi uğurla başa çatdı

» 29/11/2022- "Fiziki-məhdudiyyətli şəxslərin idmanla cəmiyyətə inteqrasiyası" adlı layihə sona çatdı!

» 26/11/2022- "Biz bir ailəyik - biz qalibik" adlı tədbir keçirilmişdir

» 25/11/2022- Agentlikdə Əvəz Həsənovun xatirəsi anılıb