23 May 2022-ci il

Əsas Səhifə Webmail


XƏBƏRLƏR

11px13px15px17px
04/12/2019 Əlilliyi olan şəxslərin hüquqlarının qorunmasında Ombudsman təsisatının rolu mövzusunda tədbir keçirilib


Əlilliyi olan şəxslərin hüquqlarının qorunmasında Ombudsman təsisatının rolu mövzusunda tədbir keçirilib

 

Ombudsmanın Gəncə Regional Mərkəzinin və Əlil Qadınlar Cəmiyyətinin Gəncə şöbəsinin birgə təşkilatçılığı ilə Gəncə şəhərində  əlilliyi olan vətəndaşların iştirakı ilə 3 dekabr- Beynəlxalq Əlillər Gününə həsr edilmiş “Əlilliyi olan şəxslərin hüquqlarının qorunmasında Ombudsman təsisatının rolu” mövzusunda tədbir keçirilib.

Tədbirdə çıxış edən Ombudsmanın Gəncə regional mərkəzinin rəhbəri Səbuhi Abbasov BMT Baş Məclisinin 1992-ci il 14 oktyabr tarixli qətnaməsi ilə 3 dekabr tarixinin Beynəlxalq Əlillər Günü elan edildiyini və hər il bu günün dünya ictimaiyyəti tərəfindən, o cümlədən ölkəmizdə də geniş qeyd olunduğunu diqqətə çatdırıb.

O, ölkə rəhbərliyi tərəfindən həyata keçirilən hüquqi islahatların məntiqi nəticəsi olaraq, ölkəmizin Konstitusiyasında və tərəfdar çıxdığı beynəlxalq müqavilələrdə təsbit olunmuş insan hüquq və azadlıqlarının təmini sahəsində mühüm əhəmiyyətli qanunvericilik aktları qəbul edildiyini qeyd edib. Təbii ki, bu sırada əlilliyi olan şəxslərin sosial hüquqlarının müdafiəsi mühüm yerlərdən birini tutur. Məhz bunun nəticəsidir ki, bu qəbildən olan insanların hüquq və azadlıqlarının kompleks şəkildə təmin edilməsi, onların sosial rifah halının yaxşılaşdırılması məsələləri daim dövlətin diqqət mərkəzində saxlanılır.

Qeyd edilib ki, Azərbaycan Respublikasının İnsan Hüquqları üzrə Müvəkkili (Ombudsman) təsisatı əlilliyi olan şəxslərin və sağlamlıq imkanları məhdud uşaqların hüquqlarının müdafiəsi ilə bağlı məsələləri daim diqqət mərkəzində saxlayır, müvafiq Konstitusiya Qanunu ilə müəyyən olunmuş səlahiyyətləri çərçivəsində bu qəbildən olan insanların problemlərinin mümkün qədər həll edilməsi, beləliklə, cəmiyyətə inteqrasiya olunmaları məqsədi ilə müxtəlif tədbirlər həyata keçirilir, aidiyyəti dövlət qurumları qarşısında bir sıra təkliflər irəli sürülür və icrası istiqamətində tədbirlər görülür.

Bildirilib ki, Müvəkkilin ünvanına daxil olan müraciətlərin və aparılan monitorinqlərin təhlili ölkəmizdə bu qəbildən olan insanların problemlərinin həll edilməsi sahəsində islahatların sürətlənməsinə töhfə verib.

Vurğulanıb ki, ilk növbədə əlilliyi olan insanların cəmiyyətə inteqrasiya­sına mane olan fiziki maneələr aradan qaldırılmalı, onlara digər insanlar kimi təhsil, məşğulluq, səhiyyə, informasiya-kommunikasiya və s. xidmətlərdən bərabər imkanlar əsasında istifadə edə bilmələri üçün zəruri olan bütün şərait yaradılmalı, tibbi, peşə-əmək və sosial reabilitasiya tədbirləri genişləndirilməlidir.

Tədbirdə çıxış edən Əlil Qadınlar Cəmiyyətinin Gəncə şöbəsinin rəhbəri Elmira İsmayılova əlilliyi olan şəxslərin hüquqlarının diqqətdə saxlanılmasına görə Ombudsman Səbinə Əliyevaya minnətdarlığını bildirib, fəaliyyətində müvəffəqiyyətlər arzulayıb.

Tədbirdə iştirak edən bəzi əlilliyi olan şəxslərin Müvəkkilə ünvanlanmış müraciətləri Ombudsmanın Gəncə regional mərkəzinin əməkdaşları tərəfindən qəbul edilib. 

 



Facebook Google Favorites.Live BobrDobr Delicious Twitter Propeller Diigo Yahoo Memori MoeMesto

Bu xəbər 1054 dəfə oxunub




Flag Counter






» 21/5/2022- Əlilliyin qiymətləndirilməsi Qaydasında hansı yeni dəyişikliklər var?

» 20/5/2022- QARABAĞ AZƏRBAYCANDIR!

» 20/5/2022- Daha 40 nəfər müharibə əlili peşə reabilitasiyasına cəlb edildi

» 20/5/2022- QARABAĞ AZƏRBAYCANDIR!

» 19/5/2022- Azərbaycan – Türkiyə QHT-lərinin Əməkdaşlıq Forumu keçirilib

» 195/2022- QARABAĞ AZƏRBAYCANDIR!

» 18/5/2022- Əlillik həyat fəaliyyətinin 7 əsas kateqoriya üzrə məhdudlaşma dərəcələri əsasında müəyyən olunacaq

» 18/5/2022- DOST mərkəzləri “Avropa İttifaqı Biznes Mühiti Hesabatı-2021”də təkmil islahat kimi dəyərləndirilib

» 17/5/2022- Yeni sosial reabilitasiya layihəsinə 4200 uşaq cəlb ediləcək

» 16/5/2022- Öyrən, əylən, peşəni seç! Peşələr festivalı başlayıb

» 15/5/2022- “Küləyə qalib gəl” - Heydər Əliyev Fondunun təşəbbüsü ilə 5-ci Bakı marafonu keçirilib.

» 14/5/2022- Vətən müharibəsi əlillərinin də iştirakı ilə inklüziv veloyürüş təşkil olunub

» 13/5/2022- Azərbaycan Respubilikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə 13 May 2022-ci il tarixində Abşeron Rayon “Heydər Əliyev Mərkəzi’’-ndə əlilliyi olan şəxslərin məşğuluğu ilə bağlı tədbir keçirildi.

» 12/5/2022- QARABAĞ AZƏRBAYCANDIR!

» 145/2022- QARABAĞ AZƏRBAYCANDIR!

» 10/5/2022- Ümummilli Lider Heydər Əliyev - 99

» 10/5/2022- QARABAĞ AZƏRBAYCANDIR!

» 9/5/2022- QARABAĞ AZƏRBAYCANDIR!

» 8/5/2022- QARABAĞ AZƏRBAYCANDIR!

» 7/5/2022- Son nəsil protezlə təmin edilmiş qazilərin futbol yarışı keçirildi