XƏBƏRLƏR
- 1/4/2022 “Qəbələ Üşaq və Ailələrə Dəstək Mərkəzi’’-ndə əlilliyi olan şəxslərin məşğuluğu ilə bağlı tədbir keçirildi.
01 Aprel 2022-ci il tarixində Qəbələ rayon “Qəbələ Üşaq və Ailələrə Dəstək Mərkəzi’’-ndə əlilliyi olan şəxslərin məşğuluğu ilə bağlı tədbir keçirildi.
“İstedadlı Əlillər” Ictimai Birliyi Azərbaycan Respubilikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “İnkluziv iqtisadi modelin inkişafı: əliliyi olan şəxslərin əmək bazarında iştirakçılığının artırılması” adlı tədbir keçirildi.
“Qəbələ Üşaq və Ailələrə Dəstək Mərkəzi’’-nin rəhbəri Ağayeva Günel xanım tədbirə gələn Dövlət qurumlrının numayəndələrini və əlilliyi olan şəxsləri salamlıyaraq Vətən müharbəsi Şəhidlərin xatirəsini bir dəqiqəlik sükutla yad edərək tədbiri acıq elan etdi.
Tədbiri giriş sözü ilə açan İB-in sədri, layihə rəhbəri Qubad Qasımov layihə barədə geniş məlumat verdi. Qubad Qasımov bildirdi ki, Layihə çərçivəsində Sumqayıt şəhəri, İsmayıllı, Qəbələ, Şəki, Zaqatala və Abşeron rayonlarında tədbirlərin keçirilməsi nəzərdə tutulur və layihə 01 iyun 2022-ci il tarixinədək davam edəcək. Layihənin məqsədi əhalinin aztəminatlı sosial qruplarından olan əlillərin sosial müdafiəsinin daha da gücləndirilməsi istiqamətində həyata keçirilən dövlət proqramlarından biri olan özünüməşğulluq proqramlarında əlil vətəndaşlarının iştirakçılığının artırılması yolu ilə onların rifahı ilə şəxsi bacarıqları arasında funksional asılılığı artırmaqdır.
Layihənin eksperti Rəşad Həsənov tədbirdə əlilliyi olan şəxslərə özünüməşğulluq proqramının mahiyyəti, əhəmiyyəti, onların sosial rifahı üçün ortaya qoyduğu imkanlar, proqramdan yararlanmağın üstünlükləri, proqrama müraciət etmə və iştirak qaydaları, ailə təsərrüfatı və yaxud kiçik biznesin yaradılması üçün təmin edilən dəstək və s. bu kimi məsələlər haqqında geniş və ətraflı məlumat verdi.
Tədbirdə Dövlət Məşğulluq Agentliyinin Şəki-Zaqatala regional Məşğulluq filialının, Qəbələ xidmət şöbəsinin müdiri Ramil İsayev əlilliyi olan şəxslərə özünəməşğulluq proqramının qanunvericiliyə uyğunluğu haqqında geniş və ətraflı məlumat verdi. Tədbir iştirakçılarını maraqlandıran sualları cavablandırdı.
Daha sonura Qəbələ-Oğuz regianal KOB Dostu Ruslan Qarayev cıxış edərək layihənin vacibliyi və aktuallığını vurğuladılar.
Tədbir çərçivəsində özünüməşğulluq proqramı geniş müzakirə edilərək, iştirakçıların təklifləri dinlənildi.
Sonda Layihənin rəhbəri Qubad Qasımov layihəyə maliyyə dəstəyi göstərən Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinə və tədbir iştirakşılarına öz təşəkkürünü bildirdi.
“İstedadlı Əlillər” İctimai Birliyinin
sədri Qubad Qasımov
Əlil Təşkilatları İttifaqı
Bu xəbər 399 dəfə oxunub
1.jpg)
