XƏBƏRLƏR

3/11/2022 Rumıniyalı nazir Azərbaycanın əmək münasibətləri sahəsində islahatlar təcrübəsi ilə tanış olub

Rumıniyalı nazir Azərbaycanın əmək münasibətləri sahəsində

islahatlar təcrübəsi ilə tanış olub

 

Əmək bazarının monitorinqi, əmək münasibətlərinin tənzimlənməsi

və s. sahələrdə Rumıniya ilə təcrübə mübadiləsi nəzərdə tutulur

 

Rumıniyanın əmək və sosial həmrəylik naziri Marius-Konstantin Budeyin rəhbərlik etdiyi nümayəndə heyəti ölkəmizə səfəri çərçivəsində Azərbaycanda əmək münasibətləri, əmək qanunvericiliyinin tətbiqinə nəzarət sahəsində aparılan islahatlarla tanış olub.

 

Nümayəndə heyəti ilə görüşdə əmək və əhalinin sosial müdafiəsi nazirinin müavini Hidayət Abdullayev son illər ölkəmizdə aparılan sosial islahatlar çərçivəsində əmək qanunvericiliyinin, əməyin ödənişi sisteminin təkmilləşdirilməsi, əmək haqlarının artırılması istiqamətində atılan mühüm addımları diqqətə çatdırıb.

 

Son 4 ildə ölkəmizdə minimum əməkhaqqında 2,3 dəfə, orta aylıq əməkhaqqında 53 faiz, median əməkhaqqında 90 faizədək artım olduğu qeyd olunub. Yeni iş yerlərinin açılması, əmək münasibətlərinin leqallaşdırılması tədbirlərinin, əməkhaqqı islahatlarının müsbət nəticəsi kimi, həmin dövrdə Azərbaycanda əmək müqavilələrinin sayında 400 minə yaxın və 30 faiz artıma nail olunduğu bildirilib. Əməkhaqqı fondunun son üç ildə 2,2 dəfə, bu ilin 9 ayında 16 faiz artdığı diqqətə çatdırılıb.

 

Mütərəqqi beynəlxalq normalara uyğun olaraq əmək qanunvericiliyində edilən dəyişikliklər, əmək müfəttişliyi sisteminin elektron infrastrukturu, əmək qanunvericiliyinə əməl olunmasına e-sistem üzərindən nəzarət mexanizmi, e-icraat prosesi barədə məlumat verilib. Vahid əmək münasibətləri platforması olan “Əmək və Məşğulluq” altsisteminin funksionallığı və əmək bazarına gətirdiyi yeniliklər diqqətə çatdırılıb.  

 

Qonaqlar üçün əmək münasibətləri sahəsində aparılan islahatlara dair təqdimat edilib. Rumıniyada da əmək münasibətləri, əmək qanunvericiliyinə əməl olunmasına dövlət nəzarəti sahəsində görülən işlər, aparılan islahatlar diqqətə çatdırılıb.

 

Görüşdə qarşılıqlı maraq doğuran məsələlərə dair fikir mübadiləsi aparılıb.

 

Qeyd edək ki, Rumıniya nümayəndə heyətinin səfəri çərçivəsində əmək və əhalinin sosial müdafiəsi naziri Sahil Babayev və Rumıniyanın əmək və sosial həmrəylik naziri Marius-Konstantin Budey iki Nazirlik arasında 2023-2024-ci illər üzrə əməkdaşlıq istiqamətlərini müəyyən edən Fəaliyyət Planını imzalayıblar.

 

Sənəddə əmək bazarının monitorinqi və proqnozlaşdırılması, əməyin ödəniş sistemi, əməyin mühafizəsi və əmək münasibətlərinin tənzimlənməsi üzrə milli qanunvericiliyin tətbiqi mexanizmləri, qeyri-formal məşğulluğun qarşısının alınması və s. üzrə də bilik və qabaqcıl təcrübələrin mübadiləsi nəzərdə tutulur.

 

Əlil Təşkilatları İttifaqı

 

Bu xəbər 378 dəfə oxunub

Oxşar xəbərlər:

• - «Ağ ölümə yox»
• - HUMAN RIGHTS DAY
• - President Ilham Aliyev and first lady Mehriban Aliyeva visited Alley of Honors and Alley of Martyrs https://video.azertag.az/en/video/106661
• - ДЕНЬ ЗАЩИТЫ ПРАВ ЛЮДЕЙ
• - 5 МАЯ - ЕВРОПЕЙСКИЙ ДЕНЬ ЛЮДЕЙ С ИНВАЛИДНОСТИ
• - Yeni sosial layihələrin icrası işləri uğurla davam etdirilir
• - SƏN DƏ ƏLİL OLA BİLƏRSƏN
• - AZƏRBAYCAN RESPUBLİKASININ KONSTİTUSİYASI
• - “Milli xalçaçılıq sənətinin inkişafı və əlilliyi olan şəxslərin məşğulluğu
• - Sosial xidmət sahəsində dövlət sosial sifarişləri
• - “Rio Paralimpiya Oyunlarından parlaq qələbələrlə”